Dainik Maval News : देहूरोड येथील थॉमस कॉलनी जंगल परिसरात एका अल्पवयीन मुलाच्या खून प्रकरणातील आरोपीला पोलिसांनी 24 तासाच्या आत अटक केली आहे. खूनाची ही घटना गुरुवारी (दि. १२) पहाटे उघडकीस आली होती. प्रेम प्रकरणातून हा प्रकार घडला होता. गुन्ह्यातील आरोपीला गुन्हे शाखा युनिट पाचने गुजरात राज्यातून अटक केली आहे.
- सनीसिंग राजीवसिंग राजपूत (वय १९, रा. शिवान, बिहार) असे अटक केलेल्या आरोपीचे नाव आहे. दिलीप मोरिया (वय १६) असे खून झालेल्या तरुणाचे नावे आहे. अरुण मोरिया (वय १४) हा जखमी झाला आहे. अरुणने गुरूवारी (दि. १२) याप्रकरणी देहूरोड पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, सोमाटणे फाटा येथील एका तरुणीचे दिलीप याच्यासोबत प्रेमासंबंध होते. त्याच तरुणीचे सनी सिंग याच्यासोबतही प्रेम संबंध होते. तीन महिन्यांपूर्वी दिलीप आणि सनी या दोघांचे या कारणावरून भांडण झाले होते. बुधवारी रात्री दिलीपने चुलत भाऊ अरुणला फोन करून थॉमस कॉलनी जवळ जंगल परिसरात बोलावून घेतले. तिथे सनी सिंग आणि दिलीप याचे भांडण झाले.
- भांडण सोडविण्यासाठी अरुण मध्ये पडला. तेव्हा सनीने अरुणवर चाकूने हल्ला केला. अरुण जखमी अवस्थेत थॉमस कॉलनीमध्ये आला. त्याने मित्रांना घडलेल्या घटनेबाबत माहिती दिली. अरुणला कॅन्टोन्मेंट हॉस्पिटलमध्ये दाखल करण्यात आले. घटनेची माहिती मिळताच देहूरोड पोलिसांनी घटनास्थळी धाव घेतली. मात्र थॉमस कॉलनी जवळील जंगल परिसरात दिलीप याचा शोध लागला नाही.
रात्रभर पोलीस दिलीपचा शोध घेत होते. गुरुवारी पहाटे सव्वा पाच वाजताच्या सुमारास पुणे-मुंबई महामार्गालगत सर्विस रोडच्या खाली दिलीपचा मृतदेह आढळून आला. त्यानंतर गुन्हे शाखेच्या पोलिसांनी तांत्रिक विश्लेषणाद्वारे आरोपी सनी सिंग याचा पाठलाग केला. आरोपी वडोदरा येथे असल्याची माहिती पोलिसांना मिळाली. त्यानुसार पोलिसांनी वडोदरा येथे जाऊन सनी सिंग याला अटक केली आहे. देहूरोड पोलीस याबाबत अधिक तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– अहमदाबाद विमान दुर्घटना : विमानातील एक प्रवासी बचावला, उर्वरित सर्वांचा मृत्यू झाल्याची भीती, मृतांमध्ये माजी मुख्यमंत्र्यांचा समावेश
– एकीवर दोघांचे प्रेम आणि सोळा वर्षीय मुलाची हत्या… देहूरोड हादरलं ! भेटायला बोलावलं आणि चाकूने भोकसलं । Dehu Road Crime
– आमदार सुनील शेळके यांच्या आदेशानंतर देहू नगरपंचायत प्रशासनाची तातडीने कारवाई ; रस्त्यांवरील अतिक्रमणे हटविली । Dehu News
