Dainik Maval News : राज्यातील महायुती सरकारला शेतकऱ्यांच्या सरसकट कर्जमाफीची आठवण करून देण्यासाठी राष्ट्रवादी काँग्रेस पार्टी शरदचंद्र पवार पक्षाच्या वारकरी आघाडीच्या वतीने सोमवारी, दि. २० ऑक्टोबर रोजी देहूगाव येथे लाक्षणिक उपोषण होणार आहे.
पक्षाचे प्रदेश सरचिटणीस तथा फ्रंटल सेल प्रभारी आमदार रोहित पवार, आणि वारकरी आघाडीचे राज्य प्रमुख ह.भ.प. दत्ता महाराज दोहणे पाटील हे उपोषणास बसणार असून “जगद्गुरू संत तुकाराम महाराज कर्जमाफी योजना” या योजनेचा प्रस्ताव सादर केला जाणार आहे.
राज्यातील अतिवृष्टीमुळे सुमारे ६८ लाख हेक्टर शेतीचे नुकसान झाले असून सुमारे ६० हजार हेक्टर जमीन खरवडून गेली आहे. हेक्टरी ५०,००० रुपयेची मदत आणि सरसकट कर्जमाफी केल्याशिवाय शेतकरी पुन्हा उभा राहू शकणार नाही, अशी मागणी करण्यात आली आहे. कार्यक्रमाची सांगता दुपारी २ वाजता जगद्गुरू संत तुकाराम महाराजांच्या विश्वप्रार्थना आणि संत ज्ञानेश्वर महाराजांच्या पसायदानाने होईल.
या उपोषण कार्यक्रमास आमदार रोहितदादा पवार, तुषार कामठे (अध्यक्ष, पिंपरी – चिंचवड), प्रशांत जगताप (अध्यक्ष, पुणे शहर), देवदत्त निकम (अध्यक्ष, पुणे जिल्हा – शिरूर व मावळ), विजय कोलते (अध्यक्ष, पुणे जिल्हा – बारामती) दत्तात्रय पडवळ (अध्यक्ष, मावळ तालुका), विकास लवंडे (प्रवक्ते), रविकांत वरपे (प्रवक्ते) आदी पदाधिकारी, कार्यकर्ते उपस्थित राहणार आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– बळीराजा शेत पाणंद रस्ते योजना : ‘पाणंद रस्ते’ कामांना गती देण्यासाठी आमदारांच्या समितीला मिळणार अधिकार
– ‘मुख्यमंत्री माझी शाळा सुंदर शाळा’ अभियानाचा तिसरा टप्पा ३ नोव्हेंबरपासून – वाचा सविस्तर
– जिल्हाधिकाऱ्यांच्या आदेशाला केराची टोपली, पोलीस अधीक्षकांच्या सुचनाही नजरेआड ; लोणावळा शहरात अवजड वाहनांची वाहतूक सुरूच
