Dainik Maval News : मावळचे आमदार सुनील शेळके यांच्या माध्यमातून व महाराष्ट्र सुवर्णजयंती नगरोत्थान महाभियान अंतर्गत उपलब्ध निधीतून वडगाव नगरपंचायत हद्दीतील काही प्रभागांत होणाऱ्या विविध विकासकामांचे भूमिपूजन व शुभारंभ करण्यात आला आहे.
याप्रसंगी नगराध्यक्षा अबोली ढोरे, माजी नगराध्यक्ष मयूर ढोरे, विरोधी पक्षनेत्या अर्चना म्हाळसकर, नगरसेवक पंढरीनाथ ढोरे, माजी नगरसेवक प्रवीण चव्हाण, नगरसेविका वैशालीताई सोनवणे, नगरसेविका राणी म्हाळसकर, नगरसेविका सारिका चव्हाण, नगरसेवक अजय भवार, नगरसेवक अनंता कुडे, नगरसेवक रोहित धडवले, माजी नगरसेवक किरण म्हाळसकर, अर्चना ढोरे, गौतम सोनवणे, संपत म्हाळसकर, नितीन कुडे, संतोष म्हाळसकर, यशवंत शिंदे, बाळू तुमकर, दिपक कुडे, प्रशांत चव्हाण आणि विविध विकासकामे करणारे ठेकेदार तसेच स्थानिक नागरिक मोठ्या संख्येने उपस्थित होते.
उपलब्ध निधीतून प्रभाग क्रमांक ०३ मधील केशवनगर कमान ते बाळासाहेब तुमकर यांच्या निवासनापर्यंत रस्ता कॉंक्रिटीकरण व बंदिस्त गटर करणे, प्रभाग क्रमांक ९ मधील चिंचेचा गणपती ते बाळू कदम यांच्या घरापर्यंत रस्ता काँक्रीटीकरण करणे, प्रभाग क्रमांक १५ मधील सहवास सोसायटी रस्ता बीएम व बीसी करणे, ठाकरवाडी अंतर्गत रस्ते कॉंक्रिटीकरण करणे, श्री. देसाई घर ते राव प्रॉपर्टी रस्ता डांबरीकरण करणे, हायवे ते प्रविण चव्हाण यांच्या घरापर्यंत रस्ता कॉंक्रिटीकरण करणे, प्रभाग क्रमांक १७ छत्रपती संभाजी महाराज नगर मधील शुभम सिद्धी, नंदनवन बिल्डिंग ते हँगिंग गार्डन बिल्डिंग पर्यंत रस्ता कॉंक्रिटीकरण करणे, प्रभाग क्रमांक १७ येथील सर्वे नंबर ७७ येथील प्रस्तावित घनकचरा प्रकल्पाकरिता रस्ते विकसित करणे इ. विकास कामांचा भूमिपूजन शुभारंभ होऊन काही परिसरात देखील प्रत्यक्षात अनेक विकासकामांना देखील सुरुवात करण्यात आली आहे.
माजी नगराध्यक्ष मयूर ढोरे यांच्या मागील कार्यकाळात आमदार सुनील आण्णा शेळके यांच्या माध्यमातून ही सर्व कामे मंजूर करण्यात आली होती. गेल्याच महिन्यापूर्वी प्रथम लोकनियुक्त नगराध्यक्ष अबोली ढोरे यांच्या या नूतन कालावधीत या सर्व विकासकामांना प्रशासकीय मान्यता मिळाली आहे. या सर्व विकासकामांसाठी तब्बल १ कोटी ५० लक्ष रुपये इतका भरीव निधी उपलब्ध झाल्याने खूप वर्षांपासून प्रलंबित असलेल्या अनेक रस्त्यांचे विषय मार्गी लागत असल्यामुळे स्थानिक नागरिकांनी समाधान व्यक्त केले. या होत असलेल्या विकासकामांसाठी नेमलेल्या संबंधित ठेकेदारांना सदरची विकासकामे दर्जेदार पद्धतीने करण्याच्या सूचना नगराध्यक्षा अबोली मयूर ढोरे यांनी दिल्या.
येणाऱ्या काळात आमदार साहेबांच्या माध्यमातून वडगाव कातवीच्या सर्वांगीण विकासासाठी अजून भरीव निधी उपलब्ध होणार आहे. आज प्रथमता ज्या ज्या प्रभागांमध्ये ही विकास कामे होत आहेत, त्या त्या प्रभागांतील सन्माननीय नगरसेवकांनी नव्याने होणारी हि विकासकामे दर्जेदार पद्धतीने करून घेण्यासाठी जातीने लक्ष देऊन पुढाकार घ्यावा अशा सूचना सर्वांना नगराध्यक्षांनी केल्या.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– पवना धरणग्रस्तांच्या प्रलंबित मागण्यांसंदर्भात संयुक्त संघटनेने घेतली आमदार सुनील शेळके यांची भेट
– मावळ, मुळशी, हवेलीचा चेहरामोहरा बदलणार ; ‘पीएमआरडीए’कडून 67 कोटींचा विकास आराखडा जाहीर
– जगाच्या नकाशावर गेलेली पुणे ग्रँड टूर सायकल स्पर्धेचा दुसरा हंगाम ; मावळमधील ‘या’ भागात होणार सायकल स्पर्धा
– वडगावात स्व.पै. केशवराव ढोरे प्रतिष्ठान आयोजित सामुदायिक विवाह सोहळा ; सात जोडप्यांचे होणार शुभमंगल सावधान
