Dainik Maval News : निष्काळजीपणे कार चालवून कारच्या अपघातास आणि अपघातात एका महिलेच्या मृत्यू व इतरांच्या जखमी होण्यास कारणीभूत ठरल्याबद्दल २१ वर्षीय कार चालकावर शिरगाव-परंदवडी पोलीस ठाण्यात गुन्हा दाखल कऱण्यात आला आहे.
सोमवारी (दि. ४ मे) पहाटे ४ वाजताच्या सुमारास मुंबई-पुणे द्रुतगती मार्गावर ओझर्डे गावच्या हद्दीत कि.मी. ७९/५०० वर हा अपघात झाला. कार चालक प्रतिक सरवदे (वय २१ वर्षे, रा. भोसरी, पुणे) याच्यावर गुन्हा दाखल कऱण्यात आला आहे. ( Accident on Mumbai-Pune Expressway near Ozarde village Speeding car hits trailer woman dies )
ट्रेलर चालक प्रविण धन्ना सिंग (वय २८ वर्षे, रा. धाकोतपुरा खेडादंती तरगाढ, बेवार, जि. अजमेर, राजस्थान) याने याप्रकरणी फिर्याद दिली आहे. त्यानुसार आरोपीवर भा.न्या.सं. कलम १०६ (१) २८१, १२५ (a), १२५ (B), ३२४ (१) मोटार वाहन कायदा १८४ अन्वये गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी ट्रेलर चालक त्यांचे वाहन (क्र. GJ 27 TF 9607) चालवित होते. मुंबई ते पुणे एक्सप्रेस वेवर मौजे ओझर्डे गावच्या हद्दीत कि.मी. ७९/५०० इथे आले असता, पाठीमागून इर्टीका कार (क्र. MH 12 ZE 5102 ) वरील चालक आरोपी प्रतिक सरवदे याने त्याच्या ताब्यातील कार निष्काळीपणे भरधाव वेगात चालवून ट्रेलरला पाठीमागून धडक दिली. या अपघातात सुनिता नारायण भट (वय ५५ वर्षे, रा. विले पार्ले मुंबई) हि महिला गंभीर जखमी होऊन मृत्यू पावली.
तर, सौदागर देवीदास गायकवाड (वय ४२ वर्षे), बिपीन प्रजापती (वय २७ वर्षे, रा. म्हाळुंगे पुणे) एम.डी. नईम अकबर (वय ५३ वर्षे रा. नालंदा बिहार) हेही गंभीर जखमी झाले. तसेच स्वतः चालकही गंभीर जखमी झाला असून दोन्ही वाहनांचे नुकसान झाल्याचे फिर्यादीत म्हटले आहे. आरोपी जखमी असून त्यास अद्याप अटक करण्यात आली नसून पुढील तपास पोलीस उप निरिक्षक पारखे हे करीत आहेत.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मुंबई-पुणे द्रुतगती मार्गावरील मिसिंग लिंकचे थाटात लोकार्पण ! “हा मिसिंग लिंक नव्हे तर कनेक्टिंग लिंक” – मुख्यमंत्री देवेंद्र फडणवीस
– बारावी बोर्ड परीक्षेचा निकाल जाहीर ! राज्याचा एकूण निकाल ८९.७९ टक्के, यंदाही मुलींचीच बाजी – पाहा सविस्तर निकाल
– शेतकऱ्यांनो… २० मे पूर्वी आपला फार्मर आयडी काढून घ्या, अन्यथा कृषी योजनांचा लाभ मिळणार नाही
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार ; खासदार बारणे यांची माहिती
