Dainik Maval News : बेकायदेशीररित्या गांजा हा अंमली पदार्थ विक्री करण्याच्या उद्देशाने जवळ बाळगल्याप्रकरणी एकाला मुद्देमालासह अटक करण्यात आले. तसेच याप्रकरणी आणखीन एका महिलेवर गुन्हा दाखल करण्यात आला.
सोमवारी ( दि. ४ मे ) दुपारी अडीचच्या सुमारास देहुरोड पोलीस स्टेशन हद्दीतील आंबेडकरनगर कडून शितळानगर कडे जाणाऱ्या दुहेरी मार्गालगतच्या फुटपाथवर, हॉटेल महाराष्ट्र समोर ही कारवाई करण्यात आली.
अनिल जगन्नाथ बोरसे (वय ४२ वर्षे, रा. आंबेडकर नगर रोड, देहूरोड) आणि महिला आरोपी अशी आरोपींची नावे आहे. यातील आरोपी अनिल बोरसे अटकेत आहे. पोलीस शिपाई रणधीर रमेश माने ( अंमली पदार्थ विरोधी पथक, गुन्हे शाखा, पिंपरी चिंचवड) यांनी याबाबत फिर्याद दिली आहे.
त्यानुसार देहूरोड पोलीस ठाण्यात एन.डी.पी.एस. अॅक्ट कलम ८ (क), २० (ब) (ii) (अ) २९ प्रमाणे गुन्हा दाखल करण्यात आला आहे. पोलिसांनी दिलेल्या माहितीनुसार, आरोपी अनिल बोरसे याने त्याच्या ताब्यात एकुण १२ हजार १०० रुपये किंमतीचा २४२ ग्रॅम वजनाचा गांजा हा अंमली पदार्थ आणि एक मोबाईल इतर चीजवस्तू असा एकूण २२ हजार ३५० रुपये किंमतीचा माल बेकायदेशिररित्या विक्री करीता कब्जात बाळगताना मिळुन आला आहे.
त्याच्याकडे मिळुन आलेला गांजा हा त्याने कोणाकडुन आणला याबाबत चौकशी केली असता त्याने, आरोपी क्रमांक असलेल्या महिला आरोपीकडून विक्री करीता आणल्याचे सांगितले. असे फिर्यादीत नमुद आहे. पुढील तपास पोलीस उप निरिक्षक डोंगळे हे करीत आहेत.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मुंबई-पुणे द्रुतगती मार्गावरील मिसिंग लिंकचे थाटात लोकार्पण ! “हा मिसिंग लिंक नव्हे तर कनेक्टिंग लिंक” – मुख्यमंत्री देवेंद्र फडणवीस
– बारावी बोर्ड परीक्षेचा निकाल जाहीर ! राज्याचा एकूण निकाल ८९.७९ टक्के, यंदाही मुलींचीच बाजी – पाहा सविस्तर निकाल
– शेतकऱ्यांनो… २० मे पूर्वी आपला फार्मर आयडी काढून घ्या, अन्यथा कृषी योजनांचा लाभ मिळणार नाही
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार ; खासदार बारणे यांची माहिती
