Dainik Maval News : जुना पुणे-मुंबई महामार्गावरील कामशेत येथील मशीद समोरील उड्डाणपूलावर मुंबईहून पुणे च्या दिशेने जात असलेल्या एका कारला भीषण आग लागली आणि या आगीत एका व्यक्तीचा होरपळून जागीच मृत्यू झाला. मध्यरात्री दीडच्या सुमारास ही दुर्दैवी घटना घडली.
मिळालेल्या प्राथमिक माहितीनुसार, ही कार मुंबई हून पुणे कडे जात होती. कार उड्डाणपुलावर आल्यावर मोठा आवाज झाला आणि त्यानंतर आग लागल्याचे प्रत्यक्षदर्शींनी सांगितले. दरम्यान काही क्षणात आगीने रौद्ररूप धारण केले आणि संपूर्ण वाहन आगीने वेढले गेले. यामध्ये कारमधील एकाचा जागीच जळून मृत्यू झाला.
घटनेची माहिती मिळताच वडगाव नगरपंचायतीचे अग्निशमन दल, दलातील जवान लिडिंग फायरमन ताहिर मोमीन, वाहनचालक समीर दंडेल, प्रदीप तुमकर व विनोद ढोरे तात्काळ घटनास्थळी दाखल झाले. त्यांनी 10-15 मिनिटात आग विझवून परिस्थिती नियंत्रणात आणली.
दरम्यान, कारला लागलेल्या आगीमुळे काही काळ पुणे–मुंबई महामार्गावरील वाहतूक ठप्प झाली होती. मात्र, पोलीस प्रशासनाच्या तत्परतेमुळे वाहतूक लवकरच सुरळीत करण्यात आली. अपघाताचे नेमके कारण अद्याप समजू शकले नसून पोलीस याबाबत अधिक तपास करत आहेत.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मुंबई-पुणे द्रुतगती मार्गावरील मिसिंग लिंकचे थाटात लोकार्पण ! “हा मिसिंग लिंक नव्हे तर कनेक्टिंग लिंक” – मुख्यमंत्री देवेंद्र फडणवीस
– बारावी बोर्ड परीक्षेचा निकाल जाहीर ! राज्याचा एकूण निकाल ८९.७९ टक्के, यंदाही मुलींचीच बाजी – पाहा सविस्तर निकाल
– शेतकऱ्यांनो… २० मे पूर्वी आपला फार्मर आयडी काढून घ्या, अन्यथा कृषी योजनांचा लाभ मिळणार नाही
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार ; खासदार बारणे यांची माहिती
