Dainik Maval News : मावळ तालुक्यातील विविध महत्वाच्या विकासकामांबाबत आमदार सुनील शेळके यांच्या पुढाकारातून मंगळवारी (दि. १२ मे) पुणे महानगर प्रदेश विकास प्राधिकरण (PMRDA) कार्यालय येथे आयुक्त अभिजित चौधरी यांच्या उपस्थितीत विशेष आढावा बैठक पार पडली.
सदर बैठकीमध्ये प्रस्तावित रिंगरोड व नगररचना योजना (TP स्कीम) संदर्भात शेतकरी बांधवांकडून व्यक्त होत असलेल्या अडचणी व विरोधाबाबत सखोल चर्चा करण्यात आली. शेतकऱ्यांच्या भावना आणि मागण्या प्रशासनासमोर मांडण्यात आल्या असून, विकासाच्या नावाखाली शेतकऱ्यांवर अन्याय होणार नाही, त्यांच्या हक्कांचे संरक्षण व्हावे आणि योग्य तो मार्ग निघावा यासाठी प्रशासनाकडे पाठपुरावा करण्यात आला. याबाबत येत्या दोन महिन्यांत सकारात्मक निर्णय घेण्याचे आश्वासन आयुक्तांनी दिले.
सांगवडे ते मामुर्डी दरम्यान पवना नदीवरील पुलाच्या जोडरस्त्यासाठी आवश्यक भूसंपादन प्रक्रिया तातडीने मार्गी लावण्याबाबत PMRDA व पिंपरी चिंचवड महानगरपालिका चे अधिकारी यांच्या संयुक्त पाहणीचे निर्देश देण्यात आले.
देहू ते येलवाडी रस्त्याचे रखडलेले काम त्वरित सुरू करण्यासाठी संबंधित अधिकारी व ठेकेदारांना स्पष्ट सूचना देण्यात आल्या असून येत्या ७ दिवसांत प्रत्यक्ष काम सुरू करण्याबाबत निर्णय घेण्यात आला. तसेच देहू शहराच्या ड्रेनेजलाईन प्रश्नासाठी DPR तयार करून प्रश्न कायमस्वरूपी मार्गी लावण्याच्या दृष्टीने कार्यवाही सुरू करण्यात येणार आहे.
मावळ तालुक्यातील नागरिकांना मूलभूत सुविधा मिळाव्यात, प्रत्येक विकासकाम वेळेत पूर्ण व्हावे यासाठी प्रशासनाला आवश्यक त्या सूचना देण्यात आल्या. यावेळी PMRDA च्या सर्व विभागांचे अधिकारी व शेतकरी उपस्थित होते.
( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– आर्थिकदृष्ट्या दुर्बल आणि होतकरू विद्यार्थ्यांना उच्च माध्यमिक शिक्षणाची संधी ! तळेगाव नगरपरिषदेकडून कनिष्ठ महाविद्यालयाची घोषणा
– कुंभार कारागिरांना 9 महिने उचलता येणार माती, 700 ब्रासच्या मर्यादेवर कोणताही दंड नाही ; वीटभट्टीसाठी ५ वर्षांसाठी सलग परवानगी मिळणार
– पशुपालकांनो.. पशुधनाची काळजी घ्या, पशुधनामध्ये उष्माघाताची लक्षणे दिसल्यास ‘या’ उपाययोजना करा
