Dainik Maval News : वडगाव नगरपंचायत आणि तहसील कार्यालय मावळ यांच्या संयुक्त विद्यमाने शुक्रवारी (दि. १५ मे ) रोजी छत्रपती शिवाजी महाराज महाराजस्व समाधान शिबीर हे अभियान शासकीय विश्वामगृह, वडगाव मावळ येथे आयोजित करण्यात आले होते.
कार्यक्रमाचे उद्घाटन तहसीलदार विक्रम देशमुख आणि मान्यवरांच्या हस्ते श्री छत्रपती शिवाजी महाराज यांच्या प्रतिमेस पुष्पहार अर्पण करून व दिप- प्रज्वलन करून करण्यात आले. याप्रसंगी माजी सभापती गुलाबराव म्हाळसकर, वडगाव नगरपंचायतीच्या नगराध्यक्षा अबोली ढोरे, मुख्याधिकारी डॉ. प्रविण निकम, महिला व बालकल्याण समिती अध्यक्षा सुनिता ढोरे, नगरसेवक विशाल वहिले, अनंता कुडे, पंढरीनाथ ढोरे, अजय भवार, पं.स. सदस्य राजेंद्र कडलक यांसह वडगाव नगरपंचायतचे आजी-माजी नगरसेवक व पदाधिकारी उपस्थित होते.
उद्घाटनानंतर मान्यवरांच्या हस्ते प्रातिनिधिक स्वरूपात वडगाव नगरपंचायत व महसूल खाते अंतर्गत विविध दाखले, प्रमाणपत्रांचे वाटप करण्यात आले. या अभियानात वडगाव नगरपंचायत अंतर्गत जन्म दाखले, मृत्यू दाखले, विवाह नोंदणी, झोन दाखले, ८ अ उतारा, व्यवसाय ना हरकत दाखला, सफाई कर्मचारी दाखला असे एकूण ४० दाखले देण्यात आले.
तसेच भूमि अभिलेख – २०, कृषि विभाग-१२, आरोग्य विभाग- २५, महसूल विभागा-७/१२-१२०, फेरफार-१७, ८-अ – ६२, वारस नोंद – १२, उत्पन्न अहवाल – १०, तुकडे बंदी-१८,NA परवाना – ५, पुरवठा विभाग – २०, संजय गांधी निराधार योजना – २०, निवडणूक विभाग – ३०, आधार कार्ड – २० असे सुमारे ४९० पेक्षा अधिक नागरिकांना दाखले देण्यात आले. तसेच येणाऱ्या नागरिकांना विविध योजना व आवश्यक कागदपत्रांची माहिती देण्यात आली. वडगावकर नागरिकांचा या अभियानास उत्स्फूर्त प्रतिसाद मिळाला.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मतदार याद्यांच्या विशेष सखोल पुनरिक्षण कार्यक्रम (SIR) अनुषंगाने वडगाव मावळ येथे प्रशिक्षण शिबिर संपन्न
– मावळमधील महत्वाच्या विकासकामांबाबत आमदार सुनील शेळके यांच्या पुढाकारातून पीएमआरडीए कार्यालयात विशेष बैठक संपन्न
– पुणे जिल्ह्याच्या विकासाला गती ; जिल्हा वार्षिक योजनेसाठी १४७२ कोटींची तरतूद, गतवर्षीपेक्षा ९३ कोटींची वाढ
– पालकांनो, पाल्याचा शाळेत प्रवेश घेण्यापूर्वी ही बातमी वाचा ! पुणे जिल्हा परिषदेकडून जिल्ह्यातील ४५ अनधिकृत शाळांची यादी जाहीर
