Dainik Maval News : कार्ला फाटा ते मळवली रस्त्याच्या अर्धवट कामासंदर्भात मनसे मावळ तालुका अध्यक्ष अशोक कुटे मार्गदर्शनानुसार उपाध्यक्ष सुनील सावळे यांनी निवेदनाद्वारे प्रश्न उपस्थित केला आहे. सार्वजनिक बांधकाम विभागाचे कार्यकारी उपअभियंता राठोड साहेब यांना याबाबत निवेदन देण्यात आले आहे. याप्रसंगी मावळ तालुका देहूरोड मनसे उपाध्यक्ष मोजसभाई दास, उपाध्यक्ष आकाश पारखी, उपाध्यक्ष अनिल लालगुडे तसेच ज्ञानेश्वर वाळुंजकर, मारुती बैकर, मुकेश रजपूत, गणेश सुतार उपस्थित होते.
काय आहे निवेदन?
कार्ला फाटा ते मळवली रस्त्याचे काम सध्या अत्यंत संत गतीने सुरू असून सर्वसामान्य नागरिकांना मोठ्या प्रमाणावर त्रास सहन करावा लागत आहे. सदर मार्ग हा दैनंदिन वाहतुकीसाठी अत्यंत महत्वाचा असून शाळेतील मुले, दूध व्यवसायिक कामगार, शेतकरी तसेच पर्यटक या मार्गाचा वापर करतात. हा रस्ता कार्ला फाट्यावर फक्त पन्नास मीटरचा आरसीसी पॅचवरच अर्धवट थांबला गेला आहे. तसेच रस्त्यावर पडलेल्या खड्ड्यांमध्ये घसरून अपघात होण्याची शक्यता वाढली असून काही ठिकाणी किरकोळ अपघाताच्या घटना घडल्या आहेत.
पावसाळ्यात यामुळे वाहतूककोंडीची समस्या उद्भवली असून मुंबई-पुणे महामार्गावर सुद्धा वाहतूक कोंडी होत असल्याचे दिसून येते. म्हणून सदर बाबीचा गांभीर्याने विचार करून रस्त्याचे काम तात्काळ गतीने सुरू करून निश्चित कालावधीत काम पूर्ण करण्यात यावे. तोपर्यंत तात्पुरते खड्डे बुजवून रस्ता सुरक्षित करण्यात यावा. अपघात टाळण्यासाठी आवश्यक ते सूचना फलक व सुरक्षा उपयोजना राबविण्यात यावी. निवेदनाची तात्काळ दखल घेऊन कार्यवाही करावी. अन्यथा नागरिकांच्या हितासाठी महाराष्ट्र नवनिर्माण सेनेच्या वतीने तीव्र आंदोलन करण्यात येईल, असा इशारा निवेदनात देण्यात आला आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– पावसाळी अधिवेशनात आमदार सुनील शेळके यांची तालिका अध्यक्षपदी नियुक्ती; मावळच्या नेतृत्वाचा राज्यस्तरीय गौरव
– Pawana Dam Rain : पवना धरण क्षेत्रात पावसाला सुरूवात; भातरोपाला मिळाली नवसंजिवनी, बळीराजा सुखावला
– Lonavala Rain : पर्यटननगरी लोणावळा शहरात मुसळधार सरी, २४ तासांत ९४ मि.मी. पावसाची नोंद
– मोठी बातमी ! इंद्रायणी नदीत बुडून २४ वर्षीय तरुणाचा दुर्दैवी मृत्यू
