यशवंतराव चव्हाण मुंबई-पुणे द्रुतगती मार्गावर आज, बुधवारी (दि. 21 फेब्रुवारी) रोजी झालेल्या अपघातात (Accident on Mumbai Pune Expressway) मावळ तालुक्यातील तळेगाव दाभाडे येथील एकाच कुटुंबातील दोन व्यक्तींचा दुर्दैवी मृत्यू झाला आहे. ह्या घटनेने परिसरात हळहळ व्यक्त केली जात आहे. ( Accident on Mumbai Pune Expressway Two Persons Died From Talegaon Dabhade )
बुधवारी सकाळी 6 वाजताच्या सुमारास हा अपघात झाला. मुंबईहून परतीच्या मार्गावर असताना ओझर्डे गावाजवळ ही घटना घडली. चालकाचे कारवरील नियंत्रण सुटल्याने कार पाठीमागून जाऊन एका मालवाहतूक करणाऱ्या ट्रकला धडकली. ही धडक इतकी भीषण होती की गाडीच्या समोरील भागाचा अक्षरशः चुरा झाला. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
घटनेची माहिती मिळताच महामार्ग पोलिस, देवदूत यंत्रणा, रुग्णवाहिका तातडीने घटनास्थळी पोहोचले. जखमींना गाडीतून बाहेर काढले. परंतू गाडीचा समोरील भाग दबल्याने समोरील व्यक्तींना काढण्यासाठी अथक प्रयत्न करावे लागले. ह्या अपघातात कारमधील समोरील बाजूस असलेले सुनिल थोरात आणि मयूरी थोरात यांचा जागीच मृत्यू झाला. तर इतर दोन पुरुष, दोन महिला आणि एक बालक जखमी झाले. हे सर्वजण तळेगाव दाभाडे येथील काकडे वस्ती (जिजामाता चौक) येथील राहणारे होते, अशी माहिती मिळत आहे. जखमींना सोमाटणे फाट्यावरील पवना हॉस्पिटलमध्ये दाखल करण्यात आले.
अधिक वाचा –
– आमदार सुनिल शेळके यांच्या मार्फत सलग सातव्या वर्षी बारावीच्या विद्यार्थ्यांसाठी ‘घर ते परीक्षा केंद्र’ मोफत वाहतूक सेवा । HSC Exam 2024
– मावळमधील बुधवडी गावात शिवजयंती सोहळा थाटामाटात साजरा; शिवव्याख्यानाला पंचक्रोशीतील शिवभक्तांची उपस्थिती । Shiv Jayanti 2024
– मावळ तालुका खरेदी विक्री संघ निवडणूक : अर्ज माघार घेण्यास उशीर झालेले उमेदवार मारूती असवले यांचा महायुतीच्या उमेदवारांना जाहीर पाठींबा
