पशुसंवर्धन आयुक्त कार्यालय पुण्याचे उपायुक्त डॉ. प्रशांत भट यांनी तळेगाव दाभाडे येथील रुडसेट ( RUDSET Institute ) या संस्थेला सदिच्छा भेट दिली. यावेळी त्यांनी संस्थेत सुरू असलेल्या शेळी मेंढी पालन या 10 दिवशीय मोफत, निवासी, व्यावसायिक प्रशिक्षण कार्यक्रमाला भेट देऊन पशुसंवर्धन विभागा मार्फत चालू असलेल्या महाराष्ट्र आणि केंद्र सरकारच्या विविध योजनांबद्दल माहिती सांगितली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
भारत सरकारच्या नॅशनल लाईव्हस्टॉक मिशन (राष्ट्रीय पशुधन अभियान) अंतर्गत 1 कोटी रुपयांची शेळी मेंढी पालन, पोल्ट्री, दुग्ध, वराह पालन या सारख्या योजनाची सविस्तर माहिती सांगून या योजनेमध्ये 50 टक्के अनुदान देण्याची व्यवस्था केलेली आहे. त्यासाठी जास्तीत जास्त संख्येने सहभागी व्हा, असे मार्गदर्शन केले. या वेळी सुरू असलेल्या प्रशिक्षण प्रशिक्षणार्थी यांच्याशी संवाद साधून त्यांचे विविध प्रश्नांची सोडवणूक करून एक आदर्श पशू पालक म्हणून मोठ्या योजनेचा फायदा घेऊन यशस्वी उद्योजक व्हा म्हणून शुभेच्या दिल्या.
सुरू असलेले शेळी पालन प्रशिक्षण कार्यक्रम बद्दल समाधान व्यक्त करून संस्था शेती पूरक व्यवसायासाठी योग्य प्रकारे मार्गदर्शन करत असून शेती बरोबरच अजून शाश्वत उत्पन्नाची हमी प्रशिक्षणाद्वारे ग्रामीण भागातील बेरोजगार युवक युवतींना मिळत आहे. म्हणून रुडसेट संस्थेच्या कार्यात पशुसंवर्धन विभाग कायम संस्थे बरोबर आहे असे सांगून संस्थेला भावी वाटचालीसाठी शुभेच्या दिल्या. रुडसेट संस्थेच्या वतीने प्रशांत भट यांना पुष्गुच्छ देऊन स्वागत करण्यात आले. ( Animal Husbandry Department Deputy Commissioner Dr Prashant Bhat Visit RUDSET Institute at Talegaon Dabhade )
अधिक वाचा –
– मावळमधील 91 गावात राबवली जाणार प्रधानमंत्री जनमन योजना; कातकरी समाजातील नागरिकांना मिळणार विविध शासकीय योजनांचे लाभ
– शंकराचार्यांचा अवमान केल्याबद्दल नारायण राणेंचा निषेध, लोणावळ्यात महाविकासआघाडी रस्त्यावर । Lonavala News
– ग्रामीण भागातील ओबीसी आणि एसबीसी संवर्गातील गरजू लाभार्थ्यांना घरकुलासाठी अर्ज करण्याचे आवाहन; जाणून घ्या अर्ज प्रक्रिया । Pradhan Mantri Awas Yojana
