Dainik Maval News : पवन मावळातील प्रमुख सहकारी संस्था, पवना कृषक सेवा सहकारी संस्थेच्या उपाध्यक्षपदी संस्थेचे विद्यमान संचालक बाळू आखाडे यांची निवड करण्यात आली आहे. दिनांक १६ ऑक्टोबर रोजी संस्थेची मासिक सभा पार पडली, या सभेत सर्वानुमते बाळू चिंधू आखाडे यांची संस्थेच्या उपाध्यक्षपदी निवड करण्यात आली.
पवना कृषक सेवा सहकारी संस्था मर्या. काले वसाहत, पवनानगर (ता. मावळ) या संस्थेचे विद्यमान अध्यक्ष भाऊ सावंत यांनी याबाबत माहिती दिली. पवना कृषक संस्थेची गतवर्षी निवडणूक पार पडली. यामध्ये एकूण १३ संचालक निवडून आले होते. त्यातून भाऊ सावंत यांची संस्थेचे अध्यक्ष म्हणून व गणपत घारे यांनी उपाध्यक्ष म्हणून निवड करण्यात आली. परंतु १३ पैकी २ संचालक हे अपात्र ठरले, त्यापैकी एक गणपत घारे हे होते. त्यामुळे रिक्त झालेल्या उपाध्यक्ष पदासाठी १६ ऑक्टोबरच्या मासिक सभेत ठराव करण्यात आला, त्यामध्ये सर्व संचालकांच्या संमतीने बाळू आखाडे यांची उपाध्यक्षपदी निवड करण्यात आली.
बाळू चिंधू आखाडे हे पवन मावळातील शिळींब गावचे रहिवासी असून पवनमावळातील एक प्रगतशील शेतकरी म्हणून त्यांचा लौकीक आहे. धनगर समाजातील असलेल्या बाळू आखाडे यांनी पारंपारिक दुग्ध व्यवसायासोबत आधुनिक शेतीत स्वतःला झोकून दिले आहे. पवना कृषक संस्थेच्या वाटचालीत त्यांचे योगदान राहिले आहे. त्यामुळे या संस्थेच्या उपाध्यक्षपदावर त्यांनी निवड सार्थ ठरत असून या निवडीबद्दल सर्वच स्तरातून त्यांचे कौतुक व अभिनंदन होत आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– वडगावचे नवीन पोलीस निरिक्षक अभिजित देशमुख यांची धडाकेबाज कामगिरी ; डोणे गावातील अवैध दारूभट्टी केली उध्वस्त
– मुरलीधर मोहोळ यांना राष्ट्रवादी काँग्रेस पक्षात येण्याची ऑफर… काय आहे किस्सा ? वाचा सविस्तर । Murlidhar Mohol
– भरधाव वॅगनर कारच्या धडकेत गंभीर जखमी होऊन 78 वर्षीय व्यक्तीचा मृत्यू ; शिरगाव पोलिसांत चालकावर गुन्हा दाखल
