वर्षाविहारासाठी पर्यटकांचे मुख्य आकर्षण असलेल्या भुशी डॅम येथे दोन दिवसांपासून पर्यटकांना लागू करण्यात आलेली प्रवेश बंदी मागे घेण्याबाबत शासनाने जिल्हाधिकारी व रेल्वे खात्याला सूचना द्याव्यात, अशी जोरदार मागणी मावळचे आमदार सुनिल शेळके यांनी आज (मंगळवारी) विधानसभेत केली. लोणावळ्याच्या भुशी डॅम परिसरात घडलेल्या दुर्घटनेनंतर जिल्हाधिकारी व रेल्वे खात्याने केलेल्या कारवाईचे तीव्र पडसाद विधानसभेतही उमटले. या कारवाईच्या विरोधात आमदार शेळके यांनी आवाज उठवला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
आमदार शेळके म्हणाले की, भुशी डॅमपासून दोन किलोमीटर अंतरावर असलेल्या धबधब्यात वाहून गेल्यामुळे पाच जणांना मृत्यू झाला ही घटना दुर्दैवी होती. या दुर्घटनेनंतर जागेची कोणतीही शहानिशा न करता दोन किलोमीटर अंतरावर असलेल्या भुशी डॅम येथील विक्रेत्यांच्या टपऱ्या व दुकानांवर जिल्हाधिकारी व रेल्वे प्रशासनाने केलेली कारवाई अन्यायकारक होती. ( Ban on tourists at Bhushi Dam should be withdrawn MLA Sunil Shelke demand in Vidhansabha )
त्यानंतर दोन दिवसांपासून या ठिकाणी पर्यटकांना करण्यात आलेली प्रवेश बंदी चुकीची असून ती त्वरित मागे घेण्याबाबत शासनाने संबंधितांना सूचना कराव्यात. भुशी डॅमच्या पायऱ्यांवर पर्यटकांना पुन्हा परवानगी द्यावी. त्या ठिकाणी स्थानिक भूमिपुत्र विक्रेते नियमांचे पालन करुन व्यवसाय करतील, अशी माहिती आमदार शेळके यांनी यावेळी दिली.
अधिक वाचा –
– लोणावळ्यातील टायगर पॉइंट येथे अवैधरित्या हुक्का विकणाऱ्या दोघांवर ग्रामीण पोलिसांची धडक कारवाई, मुद्देमाल जप्त । Lonavala Gramin Police
– चिंचवड शहरात मुख्यमंत्री माझी लाडकी बहीण योजनेचे अर्ज भरण्यास प्रारंभ ; खासदार श्रीरंग बारणेंचे महिलांना आवाहन…
– वडगाव मावळ, लोणावळा येथे खासदार बारणे आणि अधिकारी वर्गाच्या उपस्थितीत मुख्यमंत्री माझी लाडकी बहीण योजनेचा शुभारंभ