वडगाव मावळ शहरामध्ये मागील काही दिवसांपासून विजेचा लपंडाव सुरू आहे, हा लपंडाव थांबवावा. वडगाव शहराला 24 तास वीज पुरवठा व्हावा यासाठी स्वतंत्र फिडरवरून वीजपुरवठा करावा, अशी मागणी वडगाव शहर भाजपाच्या वतीने वीज वितरण अधिकाऱ्यांकडे करण्यात आली आहे. याबाबत भाजपाचे शहराध्यक्ष संभाजी म्हाळसकर, अतिश ढोरे, महाराष्ट्र राज्य ग्राहक पंचायत सचिव अरुण वाघमारे, रविद्र म्हाळसकर यांनी महावितरणचे कार्यकारी अभियंता राजेंद्र वेडे यांना निवेदन दिले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
वडगाव मावळ हे तालुक्याचे ठिकाण असून याठिकाणी सर्व शासकीय निमशासकीय कार्यालये, बँका व स्थानिक स्वराज्य संस्था आहेत. या ठिकाणी तालुक्यातील नागरिक सर्व शासकीय कार्यालये, तहसीलदार कार्यालय, दुय्यम निबंधक कार्यालय येथे येत असतात. ग्रामीण भागातून, दर्‍या खोऱ्यातून येणारे सर्वसामान्य जनता लाईट नसल्यामुळे निराश होऊन कामे न झाल्याने माघारी परत जातात. ( BJP demand for supply of electricity from separate feeder for Vadgaon Maval city )
नागरिकांची होणारी ही गैरसोय लक्षात घेऊन वडगाव शहराला स्वतंत्र फिडर उर्से सब स्टेशनवरुन घेतल्यास अखंडित वीजपुरवठा चालु राहील. प्रशासनातील लोकांची कामे होतील व ग्राहकांची कामे होतील, तसेच शासनाला नियमित महसूल मिळेल. तसेच या अंतर्गत असणारे छोटे छोटे व्यवसाय दुकानदार यांना देखील यामधून योग्य वीज मिळेल.
प्रशासनाने यामध्ये लक्ष घालून प्रत्यक्ष स्थळाची पाहणी करून त्याचे अंदाजपत्रक तयार करून स्वतंत्र ‘फिडर योजना त्वरित करावी, भविष्यात वीजपुरवठा खंडित झाल्यास काही अनर्थ घडल्यास सर्वस्व जबाबदार वीज वितरण कंपनी राहील. तसेच या प्रक्रियेला लवकरात लवकर कामात सुरवात न झाल्यास भाजपाच्या वतीने आंदोलनाचा इशारा देण्यात आला आहे.
अधिक वाचा –
– निगडे ग्रामपंचायतीच्या उपसरपंचपदी भगवान ठाकर बिनविरोध । Gram Panchayat Election
– लोणावळ्यातील टायगर पॉइंट येथे अवैधरित्या हुक्का विकणाऱ्या दोघांवर ग्रामीण पोलिसांची धडक कारवाई, मुद्देमाल जप्त । Lonavala Gramin Police
– चिंचवड शहरात मुख्यमंत्री माझी लाडकी बहीण योजनेचे अर्ज भरण्यास प्रारंभ ; खासदार श्रीरंग बारणेंचे महिलांना आवाहन…
