Dainik Maval News : संत तुकाराम सहकारी साखर कारखान्याच्या नव्या गाळप हंगामाचा बॉयलर अग्नी प्रदीपन समारंभ शुक्रवारी (दि. 18 ऑक्टोबर) होणार आहे. यावर्षी कारखान्याच्या कार्यक्षेत्रात चांगला ऊस उपलब्ध असल्याने पाच लाख मेट्रिक टन ऊस गाळप करण्याचा मनोदय प्रशासनाने जाहीर केला आहे. मुळशी, मावळ, खेड, हवेली, शिरूर अशा 5 तालुक्यात कार्यक्षेत्र असलेल्या संत तुकाराम साखर कारखान्याचा यंदाचा 27वा गाळप हंगाम आहे.
भागवताचार्य हभप चंद्रकांत महाराज वांजळे, वैशाली चंद्रकांत वांजळे यांच्या हस्ते गाळप हंगामाचा शुभारंभ होईल, तर हभप पुरुषोत्तम महाराज मोरे इनामदार यांच्या अधिपत्याखाली हा समारंभ होत आहे. कारखान्याचे संस्थापक अध्यक्ष नानासाहेब नवले, उपाध्यक्ष बापूसाहेब भेगडे, तसेच संचालक मंडळ आणि प्रशासन यांनी संपूर्ण नियोजन केलेले आहे.
पाच तालुक्याचे कार्यक्षेत्र असलेल्या या कारखान्यासाठी एकूण सुमारे साडेतीनशे ते चारशे गावांमधून ऊस उपलब्ध होईल. यावर्षी कारखान्याच्या कार्यक्षेत्रात 5 हजार 870 हेक्टर क्षेत्रावर ऊस लागवड झाली असल्याची नोंद कारखान्याकडे झालेली आहे. दरम्यान कारखान्याच्या कार्यक्षेत्रात यावर्षी मान्सूनचा चांगला पाऊस झाल्याने उसाचे पीक अतिशय चांगले आलेले आहे. त्यामुळे यंदा पाच लाख मेट्रिक टन उस गाळप होईल, असा अंदाज वर्तविला आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– तळेगाव येथील होम मिनिस्टर स्पर्धेत गौरी दरेकर ठरल्या महाविजेत्या ; सत्तर वयापर्यंतच्या महिलांनी घेतला सहभाग । Talegaon Dabhade
– वडेश्वर शाळेतील आदर्श शिक्षिका वनिता राजपूत यांचा खास सन्मान । Vadgaon Maval
– किल्ले कोरीगड येथे दुर्गपुजन आणि स्वच्छता मोहीम संपन्न, सह्याद्री प्रतिष्ठानचा उपक्रम
