अहमदनगर येथे झालेल्या ओबीसी एल्गार मेळाव्यात बोलताना राज्याचे अन्न व नागरी पुरवठा मंत्री छगन भुजबळ यांनी नाभिक समाजासंदर्भात केलेले वक्तव्य निषेधार्ह आहे. नाभिक समाजाच्या भावना दुखावल्या गेल्या असून, छगन भुजबळ यांनी नाभिक समाजाची जाहीर माफी मागावी, अशी मागणी नाभिक समाजाचे नेते व महाराष्ट्र प्रदेश युवक काँग्रेसचे सरचिटणीस रोहन सुरवसे-पाटील यांनी केली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
‘राज्यातील न्हावी समाजाने मराठा समाजातील लोकांची हजामत करू नये’ असे वादग्रस्त आवाहन छगन भुजबळ यांनी केले होते. यावर राज्यभारतील नाभिक समाजाकडून आक्षेप नोंदवून निषेध व्यक्त केला जात आहे. भुजबळ यांनी माफी मागितली नाही, तर राज्यभरात निषेध आंदोलन करण्याचा इशाराही सुरवसे पाटील यांनी दिला. ( Chhagan Bhujbal should apologize demand By Nabhik Samaj Read in detail )
रोहन सुरवसे-पाटील म्हणाले, “मीदेखील ओबीसी समाजाचाच भाग आहे. छगन भुजबळ ओबीसी समाजासाठी लढत आहेत. ही लढाई लढत असताना त्यांनी ओबीसी समाजातील जातींचा सन्मानपूर्वक उल्लेख करावा. कुणाचीही अस्मिता दुखावली जाणार नाही, याची काळजी घ्यावी. न्हावी या शब्दाऐवजी नाभिक असा उल्लेख भुजबळ यांनी करायला हवा होता. तसेच दोन समाजात तेढ निर्माण होईल, अशी वक्तव्ये टाळावीत.”
“नाभिक समाजाचा परंपरागत व्यवसाय हा सर्व समाजाची सेवा करून उदरनिर्वाह करण्याचे साधन आहे. सर्व जाती आणि धर्मातील लोकांची हजामत करून, सेवा करून त्याद्वारे नाभिक समाज बांधव रोजीरोटी कमावतात. त्यामुळे समाज बांधवांनी भुजबळांचे ऐकून कोणत्याही समाजावर बहिष्कार टाकून व्यवसायात अडथळा निर्माण करून घेऊ नये. भुजबळ यांनी इथून पुढे बोलताना तारतम्य बाळगावे. कोणाच्या तरी स्क्रिप्टनुसार भाषणबाजी करू नये, अन्यथा त्यांना ठिकठिकाणी काळे झेंडे दाखवून निषेध नोंदवण्यात येईल,” असेही त्यांनी नमूद केले.
अधिक वाचा –
– ‘राज्यभर नमो महारोजगार मेळावे, मुंबईत मालमत्ता कर वाढ नाही ते पतसंस्थांना मजबूत करणार’, शिंदे सरकारचे मोठे निर्णय, वाचा एका क्लिकवर
– संजोग वाघेरे यांचा बुधवारी पवन मावळ दौरा, गडपूजनाने होणार सुरुवात, पदाधिकाऱ्यांशी साधणार संवाद । Sanjog Waghere Maval Lok Sabha
– छत्रपती शिवरायांना मुजरा अन् जरांगे पाटलांना धन्यवाद! मावळातील युवकाने दिलेल्या जगावेगळ्या शुभेच्छांची राज्यभर चर्चा
