Dainik Maval News : पिंपरी-चिंचवड पोलीस आयुक्तांच्या मनाई आदेशाचा भंग केल्याप्रकरणी आणि अवैधरित्या पिस्तूल व काडतूस जवळ बाळगल्याप्रकरणी दोन आरोपींना पोलिसांनी अटक केली आहे. शनिवार ( दि. २७ डिसेंबर २०२५ ) रोजी कांतीलाल काळोखे मैदान, तथास्तु बिल्डींग जवळ देहू तळ्याचा माथा (ता. हवेली) येथे रोडच्या जवळ ही कारवाई करण्यात आली.
पिंपरी-चिंचवड पोलिसांच्या गुन्हे शाखेचे पोलीस शिपाई अमर शांताराम कदम यांनी याप्रकरणी फिर्याद दिली आहे. विनायक अंकुश जांभुळकर (वय ३४ वर्षे, रा. देहुगाव) आणि विघ्नेश हनुमंत येळवंडे (वय ४० वर्षे, रा. निघोजे, ता. खेड) अशी आरोपींची नावे असून आरोपी अटकेत आहे. आरोपींवर देहूरोड पोलिस ठाण्यात आर्म अॅक्ट कलम ३ (२५), ३५ सह महाराष्ट्र पोलीस अधिनियम १९५१ चे कलम ३७ (१) (३) सह १३५ प्रमाणे गुन्हा दाखल करण्यात आला आहे.
पोलिसांनी दिलेल्या माहितीनुसार, पिंपरी-चिंचवड आयुक्तालयाचे पोलीस आयुक्त यांच्या आदेशान्वये आयुक्तालयाच्या कार्यक्षेत्रात कोणताही दाहक पदार्थ अथवा स्फोटक पदार्थ, ज्वलनशील दगड अथवा शस्त्रे, अस्त्रे, सोटे, तलवारी, भाले, लाठी, बंदुका किंवा शारीरीक इजा करण्यासाठी वापरात येईल अशी कोणतीही वस्तू बरोबर नेणे अथवा बाळगणे याबाबत मनाई आदेश लागू होते.
असे असतानाही पोलीस आयुक्तांच्या आदेशाचा भंग करून नमूद वेळी व ठिकाणी आरोपींनी ५२,००० रुपये किमतीचे १ लोखंडी पिस्टल आणि २ जिवंत काडतुसे ( राऊंड) जवळ बाळगण्याचा कोणताही कायदेशीर परवाना नसताना अवैधरित्या जवळ बाळगताना मिळून आले. पुढील तपास पोउपनिरी वाव्हळे हे करीत आहेत.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– मंगरूळ अवैध उत्खनन प्रकरण : निलंबित महसूल अधिकाऱ्यांचे निलंबन रद्द, दहाही अधिकाऱ्यांना मोठा दिलासा
– तळेगावमधील सर्व सोसायट्यांना 31 डिसेंबरपर्यंत नळजोडणीस वॉटर मीटर बसविण्याची सक्ती ; वॉटर मीटरला विरोध केल्यास नळजोड खंडीत होणार
– श्री लोहगड ते श्री भिवगड : मावळ तालुक्यात तब्बल 23 वर्षांनंतर धारातीर्थ गडकोट मोहीम – जाणून घ्या मोहिमेबद्दल
– धक्कादायक ! खोपोलीत नवनिर्वाचित नगरसेविकेच्या पतीला संपवलं ; रस्त्यात गाडी अडवून केला प्राणघातक हल्ला
