शनिवार पासून कार्ला लोणावळा भागात जोरदार पाऊस कोसळत आहे. रविवार या पावसाचा जोर सर्वाधिक होता, त्यामुळे इंद्रायणी नदीच्या प्रवाहात पाण्याची आवक वाढून नदीच्या पाणीपातळीत कमालीची वाढ झाली होती. रविवारी इंद्रायणी नदी दुथडी भरून वाहत होती. आता थोड्या प्रमाणात पावसाचा जोर कमी झाला असला तरीही पाऊस पुन्हा वाढल्यास नदीचे पाणी वाढू शकते, त्यामुळे नदी काठच्या नागरिकांना काळजी घेण्याचे आवाहन करण्यात आले आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
मावळ तालुक्यात कोसळणाऱ्या वरुणराजाने रविवारी आपले रौद्ररूप दाखवले. पावसाने अक्षरशः झोडपून काढले. त्यामुळे इंद्रायणी नदी दुथडी भरुन वाहू लागली. आंदर मावळ, पवन मावळ सर्वत्र जोरदार पाऊस कोसळत आहे. हिच नाणे मावळ भागात दिसून आली. लोणावळा, कार्ला परिसरात कोसळणाऱ्या पावसाने इंद्रायणी नदीच्या पाणी पातळीत वाढ झाली. तसेच एकविरा देवी मंदिराकडे जाणाऱ्या रस्त्यासह अनेक रस्ते पाण्याखाली गेले. ( Heavy rain in Karla Lonavala area Increase in water level of Indrayani river )
कार्ला, सदापुर, पाथरगाव, कामशेत भागात नदीचे पाणी काठ ओलांडून ठिकठिकाणी पात्राबाहेर वाहताना दिसले. तर काही ठिकाणी नदीकाठच्या घरामध्ये तसेच मळवली परिसरात अनेक सोसायट्या व हॕबीडेट घरकुल परिसरात घरामध्ये पाणी शिरले होते. पुढील काही तास नागरिकांनी काळजी घ्यावी आणि गरज असेल तरच घराबाहेर पडावे, असे आवाहन करण्यात आले आहे.
अधिक वाचा –
– पर्यावणपूरक गणेशोत्सव सजावटीसाठी प्रसिद्ध असलेल्या वर्तक परिवाराचा अमृतमहोत्सवी संकल्प । Lonavala News
– गहुंजे येथे मतदार नोंदणी अभियान ; ‘मतदानाचा हक्क बजावून योग्य व्यक्तीच्या हाती सत्ता द्यावी’ – साहेबराव बोडके
– पुणे जिल्ह्यात 49 शाळा अनधिकृत, मावळ तालुक्यात 4 शाळा अनधिकृत, पाहा संपूर्ण यादी
