Dainik Maval News : नगरपरिषद आणि नगरपंचायत यांच्या निवडणुका संपन्न झाल्यानंतर जिल्हा परिषद आणि पंचायत समित्यांच्या निवडणुका पार पडतील, अशी चिन्हे दिसत आहे. तसेच जिल्हा परिषद, पंचायत समिती निवडणुकांसाठी आरक्षण सोडत जाहीर झाली असून मावळ तालुक्यातील पाचही गटांमध्ये इच्छुक उमेदवार तयारीला लागले आहेत. मावळातील काले – कुसगांव बुद्रुक जिल्हा परिषद गट हा खुल्या प्रवर्गासाठी आरक्षित असल्याने याठिकाणी अनेकजण इच्छुक म्हणून समोर आले आहेत. परंतु माजी जिल्हा परिषद सदस्य आणि भाजपाचे तालुकाध्यक्ष असलेले दत्तात्रय उर्फ भाऊसाहेब गुंड यांची प्रभावी उमेदवार म्हणून नागरिकांमध्ये जोरदार चर्चा आहे.
कुसगांव बुद्रुक ग्रामपंचायतीचे उपसरपंच ते जिल्हा परिषदेचे सदस्य, जिल्हा नियोजन समितीचे सदस्य तसेच अनेक सामाजिक संस्थांवर काम करीत असताना भाऊसाहेब गुंड यांनी आपल्या कामाचा ठसा उमटविला आहे. प्रामाणिकपणे काम करणारा कार्यकर्ता म्हणून त्यांची ओळख आहे. उपसरपंच असताना त्यांनी गावाचा पाणीप्रश्न सोडविला होता. तर, जिल्हा परिषद सदस्य म्हणून गटात अनेक विकासकामे मार्गी लावली आहेत. त्यांच्या आदर्श कार्याची ओळख हीच त्यांच्या कामाची पावती असून या विश्वासावर ते आता पुन्हा निवडणुकीला सामोरे जात आहे.
सर्वच पक्षातील वरिष्ठांसोबत आणि तळागाळातील कार्यकर्त्यांसोबत त्यांचे घनिष्ठ संबंध आहेत. तसेच भारतीय जनता पार्टीचे तालुकाध्यक्ष म्हणून वरिष्ठ नेतृत्वासोबतच स्थानिक सर्वच कार्यकर्त्यांचा त्यांच्या नेतृत्वावर विश्वास आहे. त्यामुळे सर्व कार्यकर्ते, नेते यांच्या विश्वासाच्या जोरावर आणि जनतेच्या आशीर्वादाच्या जोरावर दत्तात्रय उर्फ भाऊसाहेब गुंड हे आता जिल्हा परिषद निवडणुकीस सामोरे जात असून त्यांना विजयाचा विश्वास नव्हे खात्री वाटत आहे. त्यामुळेच त्यांच्या सद्या सुरु असलेल्या गावभेट दौऱ्यालाही नागरिकांचा उत्स्फूर्त प्रतीसाद मिळत आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– मध्य रेल्वेकडून लोणावळा स्थानकाजवळ तीन दिवस ब्लॉक ; पुणे-मुंबई रेल्वे सेवा होणार विस्कळीत, रेल्वे प्रवाशांना आवाहन…
– विकासाच्या मुद्द्यावर सुरू झालेल्या निवडणुका पैशांच्या मुद्द्यावर संपल्या ; मावळात नगरपंचायत, नगरपरिषद निवडणुकीत पैशांचा पाऊस
– राज्यातील सर्व नगरपंचायत, नगरपरिषदांची मतमोजणी २१ डिसेंबरला होणार ; नागपूर खंडपीठाचा आदेश, वाचा सविस्तर
– तळेगाव दाभाडे नगरपरिषद निवडणुकीत मोठा ट्विस्ट ! सहा जागांवरील निवडणूक स्थगित, ‘हे’ आहे कारण
