Sanjog Waghere Patil and Ajit Pawar Met : मावळ लोकसभा मतदारसंघाचे शिवसेना उद्धव बाळासाहेब ठाकरे पक्षाचे उमेदवार संजोग वाघेरे आणि उपमुख्यमंत्री तथा राष्ट्रवादी काँग्रेस पक्षाचे अध्यक्ष अजित पवार यांची शुक्रवारी (दि. 26 एप्रिल) भेट झाली. लोकसभा निवडणूकीच्या रणधुमाळीत झालेल्या भेटीत संजोग वाघेरे यांनी थेट अजित दादांना वाकून नमस्कार करत त्यांचे पाय धरले. नेमकं तेव्हा काय घडलं? ही भेट नक्की कुठे आणि कशी झाली, हे सर्वकाही आपण सविस्तरपणे जाणून घेऊयात… ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
उपमुख्यमंत्री अजित पवार आणि मावळ चे महाविकास आघाडी चे उमेदवार संजोग वाघेरे पाटील हे शुक्रवारी पिंपरी विधानसभेचे आमदार अण्णा बनसोडे यांच्या जेष्ठ कन्येच्या विवाह सोहळ्यानिमित्त एकाच व्यासपीठावर आले होते. शुक्रवारी रात्री अजित पवार यांनी या विवाह सोहळ्याला हजेरी लावली. त्यावेळी तिथे संजोग वाघेरे पाटील हेही होते. तेव्हा एकाच व्यासपीठावर एकत्र आलेल्या या नेत्यांमध्ये एक किस्सा पाहायला मिळाला. ( Maval Lok Sabha Shivsena UBT Candidate Sanjog Waghere Patil Meet With DCM Ajit Pawar In Wedding Ceremony )
संजोग वाघेरे पाटील हे पुर्वाश्रमीचे राष्ट्रवादी काँग्रेस पक्षाचे नेते तसेच अजित पवार यांचे खंदे समर्थक होते. परंतू सध्या ते शिवसेना उबाठा पक्षात असून मावळ लोकसभेत मविआचे उमेदवार आहेत. त्यामुळे आपसूकच महायुती चे उमेदवार श्रीरंग बारणे यांच्या विरोधात असल्याने आता अजित दादा हेही वाघेरे यांचे विरोधकच आहे. परंतू राजकीय संस्कृती दाखवत संजोग वाघेरे यांनी अजित पवार यांना पाहताच त्यांना वाकून नमस्कार केला आणि त्यांचे पाय शिवले.
अजित पवार हे या लग्न समारंभात आल्यावर ते व्यासपीठावरून वधूवरांना आशीर्वाद देत होते. तेव्हा थोड्यावेळात तिथे संजोग वाघेरे पाटील हेही आले. तेव्हा वाघेरेंनी अजितदादांना पाहिले आणि वेळ न दवडता त्यांना वाकून नमस्कार केला. अजित पवार यांनीही वाघेरेंचा नमस्कार हसून स्विकारला. परंतू त्या दोघांमध्ये कोणतेही संभाषण झाले नाही. हा व्हिडिओ आता सध्या सोशल मीडियावर व्हायरल होतो आहे.
अधिक वाचा –
– मुंबई – पुणे एक्सप्रेस वेवर बर्निंग बसचा थरार – Video
– पुणे महानगर प्रदेश विकास प्राधिकरण (पीएमआरडीए) क्षेत्रातील अनधिकृत जाहिरात फलक हटवण्याचे आवाहन । Pune News
– कै. सोपानराव ( आण्णा ) म्हाळसकर यांच्या स्मरणार्थ आज वडगावात सर्वपक्षीय श्रद्धांजली सभा । Vadgaon Maval
