Dainik Maval News : वडगाव मावळ येथील मिलिंद युवक मंडळ ट्रस्ट आणि संघमित्रा महिला मंडळ यांच्या माध्यमातून महामानव डॉ. बाबासाहेब आंबेडकर यांना जयंतीदिनी अभिवादन करण्याक आले. भारतरत्न डॉ. बाबासाहेब आंबेडकर यांची १३५ वी जयंती अत्यंत उत्साहात व प्रेरणादायी वातावरणात साजरी करण्यात आली.
कार्यक्रमाची सुरुवात धम्म वंदना, बुद्ध वंदना आणि डॉ. बाबासाहेब आंबेडकर यांच्या प्रतिमेचे पूजन करून करण्यात आली. उपस्थित मान्यवर, मंडळांचे कार्यकर्ते आणि ग्रामस्थांनी डॉ. बाबासाहेबांच्या प्रतिमेस पुष्पहार अर्पण करून अभिवादन केले. यानंतर आयोजित विशेष धम्म प्रवचनात धम्ममित्र धम्मचारी विवेक मित्र यांनी बुद्ध धम्म, समता, बंधुता, शिक्षण, स्वाभिमान, सामाजिक न्याय आणि संघटन यांचे महत्त्व प्रभावीपणे मांडले.
यावेळी उपस्थित प्रमुख पाहुण्या ॲड. मृणाल गुलाबराव म्हाळसकर यांनी डॉ. बाबासाहेब आंबेडकर यांच्या विचारांची सखोल मांडणी करत त्यांच्या कार्याचा गौरव केला. मंडळाचे मार्गदर्शक, ज्येष्ठ साहित्यिक प्रभाकर ओव्हाळ, संभाजी मोरे, सुशीला ओव्हाळ मा. ग्रा. पंचायत सदस्य, राजेंद्र ओव्हाळ यांनी मार्गदर्शन केले.
संयुक्त जयंती महोत्सव कमिटीचे उपाध्यक्ष अनिल भागूजी ओव्हाळ यांनी मंडळाच्या स्थापनेपासून आजपर्यंतचा प्रवास, विविध सामाजिक उपक्रम आणि कार्याची माहिती दिली. याप्रसंगी संघमित्रा महिला मंडळाच्या अध्यक्षा सुनीता ओव्हाळ, सीमा ओव्हाळ, श्रद्धा भालेराव, सरिता आल्हाट यांनीही आपले मनोगत व्यक्त केले.
जयंती सोहळ्याचे संपूर्ण नियोजन समन्वय आणि यशस्वी आयोजन मिलिंद युवक मंडळ ट्रस्टचे अध्यक्ष देवकुमार भिकाजी ओव्हाळ यांच्या मार्गदर्शनाखाली पार पडले. त्यांच्या नेतृत्वाखाली मंडळाचे जेष्ठ सभासद, विश्वस्त, संघमित्रा महिला मंडळ, संयुक्त जयंती महोत्सव समितीचे पदाधिकारी, ॲड नितीन ओव्हाळ, ॲड मिलिंद ओव्हाळ, नगरसेवक अजय भवार, संदीप हिरभगत, नितीन आल्हाट, अतुल ओव्हाळ, किरण ओव्हाळ, अबिद सय्यद, प्रकाश गायकवाड, आशिष भालेराव, कार्यकर्ते व सदस्य यांनी समर्पित भावनेने परिश्रम घेत कार्यक्रम यशस्वी केला.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– पवना धरणग्रस्तांच्या प्रलंबित मागण्यांसंदर्भात संयुक्त संघटनेने घेतली आमदार सुनील शेळके यांची भेट
– मावळ, मुळशी, हवेलीचा चेहरामोहरा बदलणार ; ‘पीएमआरडीए’कडून 67 कोटींचा विकास आराखडा जाहीर
– जगाच्या नकाशावर गेलेली पुणे ग्रँड टूर सायकल स्पर्धेचा दुसरा हंगाम ; मावळमधील ‘या’ भागात होणार सायकल स्पर्धा
– वडगावात स्व.पै. केशवराव ढोरे प्रतिष्ठान आयोजित सामुदायिक विवाह सोहळा ; सात जोडप्यांचे होणार शुभमंगल सावधान
