दैनिक मावळ (प्रतिनिधी) : मावळ तालुक्यातील लोणावळा शहराजवळील पाटण या डोंगराळ भागातील गावात सोमवारी (दि. ६ जुलै) पहाटे सव्वाचारच्या सुमारास दरड कोसळल्याची घटना घडली. डोंगराळ भागातील या ठिकाणी डोंगराजवळ असलेल्या एका घरावर दरड कोसळली आणि पहाटे 4:15 च्या सुमारास प्रचंड पाऊस असतानाच हे पूर्ण घर ढिगाऱ्याखाली दबून गेले, तसेच शेजारील दोन घरांच्या भिंतीवरही दरड कोसळली.
घटनेची माहिती मिळताच गावकऱ्यांनी घटनास्थळी धाव घेतली, परंतु संपूर्ण घर मालब्याखाली अडकल्याने मदत कार्य करता आले नाही. स्थानिक प्रशासन आणि आपत्ती दलाला याबद्दल माहिती देण्यात आल्यानंतर तहसीलदार, प्रांत अधिकारी, पोलीस, NDRF घटनास्थळी दाखल झाले असून मदत कार्य सुरू करण्यात आले.
या ठिकाणी एकाच कुटुंबातील तीन जण ढिकाऱ्याखाली अडकल्याची प्राथमिक माहिती होती, मदत कार्य सुरू केल्यानंतर आता एक व्यक्तीचा मृतदेह हाती आला असून उर्वरित दोन बेपत्ता जणांचा शोध घेण्यात सुरू आहे.
दरम्यान हे बचाव कार्य सुरू असतानाच पुन्हा एकदा शेजारील डोंगरावरची दरड कोसळली, त्यामुळे मदत कार्य करण्यात अडथळा आला आहे. जोरदार पाऊस आणि मार्गावर असलेल्या पाणी यामुळे मदत कार्य करण्यात अडचण येत आहे.
