बुधवारी (दिनांक 21 डिसेंबर 2022) रोजी सायंकाळी पाच ते सहा या वेळेत लोणावळा ग्रामीण पोलीस स्टेशनच्या हद्दीतील पवना कॅम्पिंग चालक-मालक यांची लोणावळा विभागाचे सहाय्यक पोलीस अधीक्षक सत्यसाई कार्तिक यांच्या मार्गदर्शनाखाली विशेष बैठक घेण्यात आली. फांगणे गावाच्या हद्दीतील द रुलर लाइफ रिसॉर्ट अँड कॅम्पिंग येथे ही बैठक घेण्यात आली.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
कॅम्पिंग चालक-मालक यांना करण्यात आल्या सुचना…
कॅम्पिंगला येणारे गॅसचे डिटेल्स घेण्यात यावे, सुरक्षारक्षक यांची नेमणूक करण्यात यावी, येणाऱ्या गेस्टची घातपात विरोधी तपासणी करण्यासाठी मेटल डिटेक्टरची व्यवस्था करावी, गरजेच्या वेळी प्राथमिक उपचार सुविधा असावी, विद्युत रोषणाईचे वेळी विद्युत निरीक्षक यांच्याकडून तपासणी करावी, गेस्टच्या वाहनांसाठी स्वतंत्र पार्किंग व्यवस्था करावी, कॅम्पिंग मध्ये कोणत्याही प्रकारचे अवैधधंदे चालणार नाहीत, महिला व मुलींच्या संदर्भात अनुचित घटना घडणार नाहीत, यासाठी विशेष उपाययोजना करावी.
कॅम्पिंगमध्ये प्रवेशद्वार गर्दीचे ठिकाणी पार्किंग परिसर या ठिकाणी सीसीटीव्ही कॅमेरे अध्यायावत करावेत, सर्व विभागाची परवानगी घेणे आवश्यक आहे, स्पीकर परवाना घेऊन त्याचे नियमांचे पालन करावे, कॅम्पिंग दिलेल्या वेळेपर्यंत सुरू ठेवावे, कॅम्पिंग मधील कामगार यांचे चरित्र पडताळणी करून त्याची माहिती स्थानिक पोलीस स्टेशनमध्ये जमा करावी, पवना धरणाच्या पाण्यात गेस्ट उतरून दुर्घटना करणार नाहीत यासाठी योग्य त्या उपाययोजना करणे, एखाद्या व्यक्ती संशयित वाटल्यास पोलिसांना कळवणे, ख्रिसमस व 31 डिसेंबरला होणारे संभाव्य गर्दीच्या अनुषंगाने कोणताही कायदा व सुव्यवस्थेचा प्रश्न निर्माण होणार नाही यासाठी योग्य ती खबरदारी घेणे, अवैध घटना करताना दळून आल्यास कायदेशीर कारवाई केली जाईल अशा सूचना यावेळी देण्यात आल्या.
सदर बैठकीला सहाय्य पोलीस अधीक्षक सत्यसाई कार्तिक, लोणावळा ग्रामीण पोलीस स्टेशनचे पोलीस निरीक्षक किशोर धुमाळ, पोलीस हवालदार नितेश कवडे, संतोष शेळके, नितीन कदम, रफिक शेख, अंकुश नायकुडे, पोलीस नाईक दत्ता शिंदे, पोलीस कॉन्स्टेबल सागर धनवे, सुभाष शिंदे, होमगार्ड वाळुंज यांच्यासह पोलिस स्टेशन हद्दीतील पवना कॅम्पिंग चालक-मालक 60 ते 70 लोक उपस्थित होते.
अधिक वाचा –
– यापुढे चुकीला माफी नाही; लोणावळा ग्रामीण पोलिसांकडून हद्दीतील खासगी बंगला चालक-मालक यांना नियमांची तंबी
– भीषण अपघात! खोपोलीजवळ एक्सप्रेस वेवर अनियंत्रित ट्रकची दोन कारला धडक, सुदैवाने जीवितहानी टळली
– तळेगाव दाभाडे शहराच्या हद्दीत सीआरपीएफ गेटजवळ अनोळखी व्यक्तीचा रस्ते अपघातात मृत्यू
