नागपूर येथे महाराष्ट्र राज्य विधीमंडळाचे हिवाळी अधिवेशन सुरु आहे. या दरम्यान पुरवणी मागण्यांसंदर्भात बोलत असताना मावळ तालुक्याचे विधानसभेचे आमदार सुनिल शेळके हे आक्रमक झाल्याचे पाहायला मिळाले.
निधी देणार नसाल तर तसं जाहीर सांगा, मी तुमचा जाहीर सत्कार करतो. पण खोटं राजकारण करू नका, दिशाभुल करून मते मागायला येऊ नका अशी आक्रमक भूमिका आमदार सुनिल शेळके यांनी सभागृहात मांडली. आमदार सुनिल शेळके यांनी विधिमंडळ अधिवेशनात बोलताना किमान महाविकास आघाडीने दिलेला निधी आम्हाला द्या, अशी मागणी केली. ( Maharashtra Legislature Winter Session Nagpur Maval MLA Sunil Shelke Aggressive speech For Various Demands Of Constituency )
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
आमदार शेळकेंनी मांडलेले मुद्दे…
मावळ तालुक्यातील मंजूर असलेल्या विकासकामांना निधी देण्यास शिंदे फडणवीस सरकारने स्थगिती दिल्याने आमदार शेळके यांनी आक्रमक होऊन सरकारचे लक्ष वेधले. आमदार शेळके म्हणाले, महाविकास आघाडी सरकारने मावळ तालुक्यातील श्री एकविरा देवी देवस्थान विकासासाठी 90 कोटी, संत जगनाडे महाराज तीर्थक्षेत्र विकासासाठी 85 कोटी, तसेच वडगाव मावळ येथील प्रशासकीय इमारत, कान्हे व लोणावळा येथील उपजिल्हा रुग्णालय, विविध पुलांसाठी कोट्यवधी रुपयांचा निधी दिला. अन्यथा परंतु, या मेहरबान सरकारने मावळ तालुक्यावर मोठी मेहरबानी दाखवली आणि या विकासकामांना स्थगिती दिली. पुरवणी मागणीत एकही रुपयांचा निधी मावळसाठी दिला नाही, त्यामुळे किमान आमच्या सरकारने मंजूर केलेला निधी तरी द्या, देणारच नसाल तर तसं जाहीर सांगा, मी तुमचा जाहीर सत्कार करतो असेही स्पष्ट केले.
तसेच, विधिमंडळाचे प्रतिनिधी म्हणून काम केलेल्या दिवंगत आमदार दिगंबर भेगडे यांनी कुंडमळा रस्ता व पुलाच्या कामासाठी निधीची केलेली मागणी तरी पूर्ण करा अशीही मागणी शेळके यांनी सार्वजनिक बांधकाम मंत्र्यांकडे केली.
अधिक वाचा –
– नाताळ, थर्टी फर्स्टच्या पार्श्वभूमीवर लोणावळा ग्रामीण पोलिसांकडून पवना कॅम्पिंग चालक-मालक यांची बैठक, नियम पाळण्याची ताकीद
– भीषण अपघात! खोपोलीजवळ एक्सप्रेस वेवर अनियंत्रित ट्रकची दोन कारला धडक, सुदैवाने जीवितहानी टळली
https://youtube.com/shorts/HT–UXZQJIo?feature=share
