Dainik Maval News : तळेगाव दाभाडे येथे एकाच दिवशी तीन ठिकाणी आगीच्या घटना घडल्या व अग्निशामक दलाचे जवान तसेच इतर सामाजिक संस्थांची धावपळ झाली. या पार्श्वभूमीवर रविवार, दिनांक १९ एप्रिल २०२६ रोजी “माय होम सोसायटी” गोदाई नगर, तळेगाव दाभाडे येथे “बजाज ऑटो एल.टी.डी.” यांच्या कडून सोसायटीतील रहिवाशांना फायर सेफ्टी ट्रेनिंग देण्यात आले.
यावेळी प्रमुख उपस्थितांमध्ये फायर डिपार्टमेंट चे अधिकारी संदीप सोनवणे, सामाजिक कार्यकर्ते भरत राजिवडे, किशोर हसुरकर, महेश राऊत, सोसायटीचे चेअरमन अविनाश हट्टेखोर, खजिनदार देवेंद्र चौधरी तसेच अग्निशामक दलाचे जवान व माय होम सोसायटी, क्रिश अंगण सोसायटी, त्रिमाऊंट सोसायटी, ऋतुगंध सोसायटी, सुनंदा हाईट्स सोसायटी तसेच गोदाई नगर मधील रहिवाशी मोठ्या संख्येने उपस्थित होते.
जवळपास एक ते दीड तास हे प्रशिक्षण सुरू होते. या प्रशिक्षणामुळे आगीची घटना घडली असता सुरक्षेच्या दृष्टीने काय करावे काय करू नये याची माहिती सर्व रहिवाशांना मिळाली. आलेल्या सर्व अग्निशामक जवानांना व उपस्थित सर्व रहिवाशांना चहा व नाश्ता देऊन अग्निशामक दलाच्या जवानांचे आभार मानून या कार्यक्रमाची सांगता करण्यात आली.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मावळमधील बौर, करूंज, ब्राम्हणवाडी येथील प्रस्तावित एमआयडीसीसाठी जमीन खरेदी-विक्रीचे व्यवहार तात्पुरते बंद
– तळेगाव दाभाडे शहरवासीयांना पाणी प्रश्नाबाबत मोठा दिलासा ! आंद्रा धरणातून ५.०१४ MCM पाणी आरक्षणास मंजुरी
– गणपूर्ती होत नसल्याने मावळ तालुका कृषी उत्पन्न बाजार समिती बरखास्त ! प्रशासक म्हणून सहाय्यक निबंधक नवनाथ अनपट यांची नियुक्ती
– वडगाव मावळ येथे स्व. पै. केशवराव ढोरे प्रतिष्ठान आयोजित १३ व्या सामुदायिक विवाह सोहळ्यात सात जोडप्यांचे शुभमंगल सावधान
