शासनाच्या आदेशानुसार व संस्थेचे कार्यकुशल उपक्रमशील सचिव व पवना शिक्षण संकुलाचे शालेय समितीचे अध्यक्ष संतोष खांडगे यांच्या मार्गदर्शनानुसार पवना शिक्षण संकुलात रविवारी (19 फेब्रुवारी) हिंदवी स्वराज्य संस्थापक छत्रपती शिवाजी महाराज यांचा “शिवजयंती महोत्सव” मोठ्या उत्साहात साजरा करण्यात आला. ( Shiv Jayanti 2023 Celebration At Pavana Vidya Sankul In Pavananagar )
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
या प्रसंगी पवना शिक्षण संकुलातील शिक्षक व विद्यार्थी यांनी छत्रपती शिवाजी महाराजांच्या इतिहासाची साक्ष देणारा किल्ला तिकोणा ते पवना विद्या मंदिर येथून ढोल ताशांच्या निनादात शिवज्योत आणण्यात आली. शिवज्योत पवनानगर चौकात आल्यानंतर संकुलाचे प्राचार्य भाऊसाहेब आगळमे व पर्यवेक्षिका निला केसकर व परिसरातील नागरिक व माजी विद्यार्थी व सर्व शिक्षक यांनी जोरदार स्वागत केले.
त्यानंतर चौकातून लेझीम पथकावर मिरवणूक काढण्यात आली. त्यानंतर शिवरायांच्या प्रतिमेचे पूजन संकुलाचे प्राचार्य भाऊसाहेब आगळमे पर्यवेक्षिका निला केसकर व शिवव्याख्याते प्राध्यापक बाळा खांडभोर आणि सर्व अध्यापकांनी केले. विद्यार्थ्यांनी याप्रसंगी छत्रपती शिवाजी महाराज, राजमाता जिजाऊ वेषभूषा परिधान शिवरायांच्या जीवन चरित्राविषयी पोवाडा, पाळणा व विविध सांस्कृतिक कार्यक्रम सादर करत पाहुण्यांची मने जिंकली. तसेच अनेक विद्यार्थ्यांनी शिवरायां विषयी आपली मनोगते व्यक्त केली.
हेही वाचा – गुडन्यूज..! सोमवारपासून पुणे ते लोणावळा लोकल रेल्वेच्या आणखीन दोन फेऱ्या, पाहा नवीन वेळापत्रक
व्याख्याते बाळा खांडभोर यांचे शिव चरित्र्यावर भारदस्त आवाजात व्याख्यान झाले. यावेळी बोलताना खांडभोर म्हणाले की, विद्यार्थ्यांनी शिव चरित्राचा आदर्श समोर ठेवून प्रयत्न करावेत. शिव चरित्राच्या प्रतेक पैलूवर अभ्यास केल्यास अपयश कधीच येणार नाही. यश नक्कीच मिळेल असा आशावादी संदेश विद्यार्थ्यांना दिला.
कार्यक्रमाचे यशस्वी नियोजन पवना शिक्षण संकुल माध्यमिक विभाग, कॉलेज विभाग व प्राथमिक विभागातील सांस्कृतिक विभागांनी केले. छञपती शिवाजी महाराजांची आरती घेऊन कार्यक्रमाची सांगता झाली.
