सालाबादप्रमाणे याही वर्षी पवन मावळ भागातील मौजे शिळींब गावात शिवराय फ्रेंड्स सर्कल गावठाण या मंडळाच्या वतीने शिवजन्मोत्सवाचा सोहळा अत्यंत थाटामाटात साजरा करण्यात आला. शिवराय फ्रेंड्स सर्कलचे शिवजन्मोत्सव सोहळ्याचे हे सातवे वर्षे होते. यंदा सोमवारी (दि. 19 फेब्रुवारी) छत्रपती शिवरायांची तारखेप्रमाणे 394वी जयंती होती. तसेच यंदाचे हे वर्ष शिवराज्याभिषेक सोहळ्याचे साडेतीनशे वे वर्ष आहे. त्यामुळे मंडळाकडून शिवजयंतीसाठी अनेक सांस्कृतिक कार्यक्रम, कीर्तन अशा कार्यक्रमाचे जंगी नियोजन करण्यात आले होते. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
सकाळी 5 वाजता शिळींब येथून निघून शिवराय फ्रेंड्स सर्कलच्या शिवभक्तांनी किल्ले तिकोणा येथे जात शिवज्योत आणली. सकाळी 10 वाजता 50 हून अधिक शिवभक्त यांनी शिवज्योत गावात आणली. यावेळी ढोल ताशांच्या गजरात शिवज्योतीचे गावात स्वागत करण्यात आले. त्यानंतर शिवप्रतिमेचे पूजन करून सामुहिक शिववंदना आणि महाआरती घेण्यात आली. (Shiv Jayanti 2024 celebrated with gaiety at Shilimb village in Pavan Maval)
त्यानंतर सर्वात आकर्षणाचा भाग असलेल्या सांस्कृतिक कार्यक्रमांना सुरुवात करण्यात आली. तब्बल 4 तास चाललेल्या या कार्यक्रमात अनेक स्पर्धा घेण्यात आल्या. यात लहानांपासून ते प्रौढांपर्यंत सर्वांचाच सहभाग होता. तसेच विजेत्यांना अनेक आकर्षक बक्षिसे देण्यात आली. यावेळी प्रथमच मंडळाच्या माध्यमातून होम मिनिस्टर अर्थात खेळ रंगला पैठणीचा हा कार्यक्रम घेण्यात आला होता. त्यात पहिल्या पैठणीच्या मानकरी सौ. आश्विनी रोहिदास कुंभार या ठरल्या.
त्यानंतर सायंकाळी ढोल, ताशाच्या गजरात पारंपारिक पद्धतीने शिवप्रतिमेची पालखीतून भव्य मिरवणूक काढल्यात आली. यावेळी महिलांनी फेर धरत फुगड्या खेळत सहभाग नोंदवला. त्यानंतर सायंकाळी सामुदायिक हरिपाठ, हरिजागर होऊन पुणे जिल्ह्यातील प्रसिद्ध युवा कीर्तनकार ह.भ.प. रुचिताताई कुंभार (कोथूर्णे) यांची सुवाश्र्य कीर्तनसेवा झाली. यावेळी हजारो शिवभक्त, भाविक, नागरिक उपस्थित होते. त्यानंतर शिवराय फ्रेंड्स सर्कलच्या वतीने आलेल्या सर्व शिवभक्तांना महाप्रसाद अर्थात जेवणाची सोय करण्यात आली होती. शिवराय फ्रेंड्स सर्कलच्या सर्वच शिवभक्तांनी सालाबादप्रमाणे यंदाही जल्लोषात शिवजयंती साजरी करण्यासाठी विशेष मेहनत घेतली.
अधिक वाचा –
– आमदार सुनिल शेळकेंच्या माध्यमातून उर्से आणि परंदवडी गावातील ठाकर समाजातील 90 नागरिकांना मिळाले जात प्रमाणपत्र
– आरोग्य विभागातील 10 हजार 949 रिक्त पदांची भरती प्रक्रिया युद्ध पातळीवर सुरू – आरोग्य मंत्री तानाजी सावंत
– मावळात खरेदी विक्री संघाच्या निवडणूकीतून दिसणार महायुतीची ताकद! 19 पैकी 10 जागा आधीच बिनविरोध । Maval Taluka Kharedi Vikri Sangh
