शिवसेना ( Shiv Sena ) मावळ तालुका ( Maval Taluka )उपप्रमुख अमित कुंभार ( Amit Kumbhar ) यांच्या घरी चोरट्यांनी डल्ला मारल्याची धक्कादायक घटना समोर येत आहे. घरी कुणीही नसताना चोरट्यांनी घराचे कुलूप तोडून घरातील रोख रकम यासह सोन्याचे दागिने चोरले असल्याची माहिती समोर येत आहे. या प्रकरणी अमित कुंभार यांनी पोलिसांत तक्रार दाखल केली आहे. ( Shiv Sena Maval Taluka Deputy Chief Amit Kumbhar House Stolen )
प्राप्त माहितीनुसार, पवनानगर ( Pavananagar ) बाजारपेठ येथे राहत असलेले शिवसेनेचे मावळ तालुका उपप्रमुख आणि काले-पवनानगर ( Kale Pawananagar ) ग्रामपंचायतीचे उपसरपंच अमित कुंभार हे त्यांच्या कुटूंब आणि नातेवाईकांसोबत दोन दिवसीय ट्रीपला गेले होते. यावेळी त्यांच्या दोन मजली घरात वरच्या मजल्यावर राहणारी त्यांची बहिण निता जगदाळे ही देखील होती. सर्व कुटुंबीय दोन दिवसीय ट्रिपला बाहेर गावी गेल्याने घराला कुलूप होते.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
11 सप्टेंबर रोजी देवदर्शनाला गेलेले अमित कुंभार हे 12 सप्टेंबर रोजी पहाटे सव्वा तीनच्या सुमारास घरी पोहोचले, तेव्हा त्यांच्या आणि त्यांची बहिण निता जगदाळे यांच्या घराचे दार उघडे असल्याचे आढळले. त्यावेळी घराची तपासणी केली असता दोघांच्याही घरातून रोख रक्कम आणि सोने चोरी गेल्याचे आढळून आले. एकूण 65 हजारांचा मुद्देमाल चोरीला गेला असल्याचे पोलिस तक्रारीत नमुद करण्यात आले आहे. पुढील तपास लोणावळा ग्रामीण पोलिस ( Lonavla Gramin Police ) करत आहेत. ( Shiv Sena Maval Taluka Deputy Chief Amit Kumbhar House Stolen 65 Thousand Gold And Cash Worth Theft )
अधिक वाचा –
मावळ तालुक्यात पसरतोय हा भयंकर आजार, शेतकरी प्रचंड चिंतेत, उर्से गावात कहर
गहुंजे नळ पाणीपुरवठा योजनेचा भुमीपूजन समारंभ संपन्न; पण तालुक्यात वेगळीच चर्चा!
