Dainik Maval News : पुणे जिल्हा माध्यमिक व उच्च माध्यमिक शाळा मुख्याध्यापक संघ, पुणे यांच्या वतीने गुणवत्ता संवर्धन अभियान अंतर्गत घेण्यात आलेल्या तालुकास्तरीय स्पर्धेत कार्ला येथील श्री एकविरा विद्या मंदिर शाळेने द्वितीय क्रमांक पटकाविला आहे. याबद्दल शिक्षण अधिकारी भाऊसाहेब कारेकर, मुख्याध्यापक संघाचे अध्यक्ष नंदकुमार सागर यांच्या उपस्थितीत पुणे येथील कार्यक्रमात शाळेला गौरविण्यात आले.
स्पर्धेत मावळ तालुक्यातील 88 शाळांचे परिक्षण करण्यात आले. त्यामध्ये कार्ला शाळेने चमकदार कामगिरी करीत द्वितीय स्थान मिळविले. भौतिक सुविधा, शालेय स्पर्धा, गुणवत्ता यादीतील स्थान, पर्यावरण पूरक शाळा, गुणवत्ता संवर्धनासाठी केलेले प्रयत्न इत्यादी निकषांमध्ये शाळेने बाजी मारली.
शाळेच्या यशाबद्दल नूतन महाराष्ट्र विद्या प्रसारक मंडळ संस्थेचे अध्यक्ष संजय भेगडे, उपाध्यक्ष गणेश खांडगे, सचिव संतोष खांडगे, शालेय समिती अध्यक्ष सोनबा गोपाळे, इतर पदाधिकारी, सर्व संचालक मंडळ, आजी-माजी विद्यार्थी, पालकवर्ग यांच्याकडून मुख्याध्यापक, सर्व शिक्षकवृंद, विद्यार्थ्यांचे अभिनंदन होत आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळमधील पर्यटकाच्या व्हिडिओमध्ये दहशतवादी कैद? लेकीच्या रिल्समध्ये दोन दहशतवादी कैद झाल्याचा वडिलांचा दावा
– पवनाधरणाच्या जागेवर अवैध बांधकामे ; मंत्री राधाकृष्ण विखे-पाटील यांच्याकडून अधिकाऱ्यांची कानउघाडणी । Pavana Dam
– लॅपटॉप, संगणक चोरणाऱ्या कामगारास तमिळनाडूमधून अटक, तळेगाव एमआयडीसी पोलिसांची कामगिरी । Maval Crime
