Dainik Maval News : केंद्रीय सामाजिक न्याय व अधिकारिता राज्यमंत्री रामदास आठवले हे रविवारी (दि. २७) लोणावळा शहराच्या दौऱ्यावर येणार असून यादरम्यान ते लोणावळा नगरपरिषदेमध्ये आढावा बैठक घेणार आहेत.
लोणावळा नगरपरिषदेत गेल्या चार वर्षांपासून प्रशासक राजवट लागू आहे. या कालावधीत शहरात झालेल्या आणि सुरू असलेल्या विकासकामांचा सविस्तर आढावा या बैठकीत आठवले घेणार आहेत.
दुपारी दीड वाजता ही बैठक आयोजित असून लोणावळा शहरात काही विकास प्रकल्प हे केंद्र शासनाशी निगडित असल्याने त्यांची सद्यस्थिती, अडचणी आणि प्रगती यावर चर्चा होण्याची शक्यता आहे. केंद्रीय मंत्री आठवले हे विविध प्रकल्पांची माहिती, पूर्णत्वाचा कालावधी तसेच संबंधित यंत्रणांच्या कार्यप्रणालीबाबत थेट माहिती घेणार आहेत.
तसेच आठवले यांच्या दौऱ्याच्या पार्श्वभूमीवर शहरातील विकासकामांबाबत नागरिक, राजकीय पक्षांचे पदाधिकारी, कार्यकर्ते तसेच सामाजिक संघटनांचे प्रतिनिधी यांना जर कोणती निवेदने सादर करायची असतील, तर ती लेखी स्वरूपात सादर करावी, असे आवाहन माजी नगराध्यक्ष सूर्यकांत वाघमारे यांनी केले आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– पहलगाम येथील भ्याड दहशतवादी हल्ल्याचा लोणावळा शहरात सर्वपक्षीयांकडून तीव्र निषेध । Lonavala News
– पहलगाम येथील दहशतवादी हल्ल्याच्या निषेधार्थ वडगाव मावळ येथील सर्वपक्षीय मशाल रॅली । Vadgaon Maval
– कामशेतमध्ये सर्वपक्षीय पदाधिकाऱ्यांकडून पहलगाम येथील क्रूर हल्ल्याचा जाहीर निषेध । Kamshet News
