Dainik Maval News : वडगाव नगरपंचायत हद्दीत निवडणूक आयोगाच्या विशेष संक्षिप्त पुनरिक्षण (SIR) कार्यक्रमांतर्गत मतदार यादी मॅपिंग व पडताळणीचे काम सुरू आहे. सदर प्रक्रियेत सन 2002 मधील मतदार यादी व सन 2025 मधील विद्यमान मतदार यादी यांचे परस्पर मॅपिंग (ताळमेळ) करण्यात येत आहे.
2024 च्या विधानसभा मतदार यादीनुसार वडगाव शहरात एकूण 19,628 मतदार आहेत व सन 2002 मध्ये 9,622 मतदार होते. त्यानुसार 19,628 मतदारांपैकी 10,363 मतदारांची नावे मूळ व “progeny” म्हणून Mapped झालेले आहेत.
वडगाव शहर हे एकूण 20 भाग यादी (Part) मध्ये विभागले आहे यामधील काही मतदारांचे मॅपिंग अद्याप झालेले नसून त्या Unmapped मतदारांचा संबंधित BLO यांचा संपर्क झालेला नाही. तरी माहिती अद्ययावत करण्यासाठी खालीलप्रमाणे विशेष शिबिर आयोजित करण्यात आले आहे:
दिनांक: शनिवार व रविवार (2 मे व 3 मे 2026)
वेळ: सकाळी 10.00 ते सायं. 5.00
ठिकाण: वडगाव नगरपंचायत कार्यालय
या शिबिरामध्ये 2002 व 2025 मतदार याद्यांचे मॅपिंग पूर्ण करण्यात येणार. Unmapped मतदारांची नोंद अद्ययावत केली जाणार.
नागरिकांना आवाहन
– ज्या नागरिकांची नावे मतदार यादीत मॅपिंग झालेली नाहीत, त्यांनी आवश्यक कागदपत्रांसह वरील तारखांना उपस्थित राहावे. नागरिकांनी आपल्या संबंधित BLO शी संपर्क साधावा व BLO App मध्ये आपले नाव मॅप करून घ्यावे किंवा थेट नगरपंचायत कार्यालयात भेट द्यावी.
– ज्या मतदारांचे नाव मॅप होणार नाही त्यांचे नाव मतदार यादीतून वगळले जाऊ शकते, तरी नागरिकांनी आपल्या मतदानाचा अधिकाराकरिता मतदान केंद्र अधिकारी BLO यांच्याशी संपर्क साधून आपले नाव मॅप करून घ्यावे.
असे आवाहन डॉ. प्रवीण निकम, सहायक मतदार नोंदणी अधिकारी तथा मुख्याधिकारी वडगाव नगरपंचायत यांनी केले आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार
– मावळ तालुका हादरला ! दुचाकीसह जळालेल्या अवस्थेत तरूणाचा मृतदेह आढळला
– पवना धरणातील पाणीसाठा ३९ टक्क्यांवर, कधीपर्यंत पुरणार हे पाणी ? पाटबंधारे विभागाचे नागरिकांना आवाहन
– पवना धरणातून गाळ काढण्याचे काम सुरू ; खासदार श्रीरंग बारणे यांच्या पुढाकारातून सलग १० वर्षांपासून उपक्रम सुरू
