येत्या 22 जानेवारी रोजी अयोध्या येथे होणाऱ्या श्रीराम मूर्ती प्राणप्रतिष्ठा सोहोळ्या निमित्त मावळ तालुक्यातील सर्व मांस आणि मद्य विक्री दुकाने बंद ठेवावेत, अशी मागणी भाजपाचे मावळ विधानसभा निवडणूक प्रमुख रविंद्र भेगडे यांनी तहसीलदार विक्रम देशमुख यांच्याकडे केली. 22 जानेवारी 2024 रोजी आयोध्या येथील प्रभू श्रीराम मंदिराचा लोकार्पण सोहळा होत असून तब्बल 500 वर्षानंतर प्रभू श्री राम मूर्ती प्राणप्रतिष्ठा होत आहे. त्यानिमित्ताने सबंध देशामध्ये आनंदाचे उत्साहाचे वातावरण असणार आहे, असेही भेगडे म्हणाले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
निवेदनात काय?
‘प्रभू श्री राम हे हिंदू धर्मीयांचे श्रध्दास्थान आहेत. त्यामुळे या ऐतिहासिक सोहळ्यानिमित्त सबंध देशभरामध्ये दिवाळी साजरी केली जाणार असून मावळ तालुक्यात देखील विविध ठिकाणी मोठ्या प्रमाणात जल्लोष साजरा केला जाणार आहे. यानिमित्ताने सर्व समाज बांधवांमध्ये शांतता, एकोपा व सामाजिक संदेश जावा यासाठी आपण मावळ तालुक्यातील सर्व मांस विक्री केंद्र बंद ठेऊन समस्त हिंदू बांधवांच्या भावनेचा आदर करावा,’ अशी मागणी मावळ भाजपा निवडणूक प्रमुख रविंद्र भेगडे यांनी मावळचे तहसीलदार विक्रम देशमुख साहेब यांच्याकडे केली. यावेळी भाजपाचे तालुकाध्यक्ष दत्ताभाऊ गुंड उपस्थित होते. ( Shri Ram Murti Pran Pratistha And Temple Dedication Ceremony BJP Demand For Ban Sale Of Liquor & Meat )
अधिक वाचा –
– शंकराचार्यांचा अवमान केल्याबद्दल नारायण राणेंचा निषेध, लोणावळ्यात महाविकासआघाडी रस्त्यावर । Lonavala News
– ग्रामीण भागातील ओबीसी आणि एसबीसी संवर्गातील गरजू लाभार्थ्यांना घरकुलासाठी अर्ज करण्याचे आवाहन; जाणून घ्या अर्ज प्रक्रिया । Pradhan Mantri Awas Yojana
– मकर संक्रांतीनिमित्त एकापेक्षा एक खास मराठमोळे शुभेच्छा संदेश, तुमच्या प्रिय व्यक्तींना पाठवा तिळगुळासारखे गोड मेसेज। Makar Sankranti Marathi Wishes
