लोणावळा (ता. मावळ) येथे मावळ लोकसभा मतदारसंघातील भारतीय जनता पार्टीची कोअर कमिटीची बैठक संपन्न झाली. सदर बैठकीत येणाऱ्या लोकसभा निवडणुकीत मावळ लोकसभा मतदार संघात भारतीय जनता पार्टीचाच उमेदवार असावा असा एकमुखी निर्णय घेण्यात आला आहे, अशी माहिती मावळ विधानसभा निवडणूक प्रमुख रविंद्र भेगडे यांनी त्यांच्या सोशल मीडिया अकाऊंटवरून दिली. या बैठकीला मावळ लोकसभा मतदार संघातील भाजपाचे सर्वच प्रमुख नेते, पदाधिकारी मंडळी उपस्थित होती. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
भाजपा, शिवसेना (शिंदे गट) आणि राष्ट्रवादी काँग्रेस (अजित पवार) हे तिन्ही पक्ष सध्या महाराष्ट्रात सत्तेत आहेत. मुख्यमंत्री एकनाथ शिंदे यांच्या पक्षाचे खासदार श्रीरंग बारणे हे सध्याचे मावळ लोकसभेचे विद्यमान खासदार आहेत, आणि ते तिसऱ्या टर्मसाठी इच्छुक असून तशी वाटचाल त्यांनी सुरु केली आहे. परंतू अजितदादा गटाचे मावळचे विद्यमान आमदार सुनिल शेळके हे वारंवार मावळ लोकसभेत राष्ट्रवादीचा खासदार निवडून आणू असा विश्वास जाहीररित्या व्यक्त करत आहेत, तर दुसरीकडे भाजपानेही मावळ लोकसभेवर कमळ फुलवण्याचा निर्धार व्यक्त केला आहे. त्यामुळे मावळ लोकसभेची निवडणूक ही अधिक रंजक आणि चुरशीची होणार, ही गोष्ट नक्की आहे. तसेच राष्ट्रवादी दादा गटापाठोपाठ भाजपानेही मावळ लोकसभेवर दावा सांगितल्याने खासदार श्रीरंग बारणे यांचे टेन्शन वाढले आहे. (Maval Lok Sabha Constituency Election 2024 Party Officers Determination To Elect BJP MP Here)
मावळ लोकसभा मतदारसंघात शिवसेनेपेक्षा भाजपचीच ताकद अधिक असल्याने ही जागा भाजपाकडे राहावी, अशी मागणी भाजपच्या कोअर कमिटीच्या लोणावळा येथील बैठकीत आक्रमकपणे करण्यात आली. याठिकाणी आयात उमेदवार न देता पक्षाचाच असावा, असाही आग्रह धरण्यात आला. पक्षाच्या किसान मोर्चाचे प्रदेशाध्यक्ष गणेश भेगडे यांनी मतदारसंघात शिवसेनेपेक्षा भाजपची किती ताकद आणि कशी ताकद जास्त आहे. हे तिथे पक्षाचे आमदार आणि नगरसेवकांच्या संख्या सांगत समप्रमाणात दाखवून दिल्याने दावा अधिक मजबूत बनवला आहे. त्यामुळे महायुतीतच मावळ लोकसभा मतदारसंघाची जागा नेमकी कुणाला मिळणार, हे पाहावे लागेल.
अधिक वाचा –
– महाराष्ट्रातील ‘या’ सहा उमेदवारांची राज्यसभेच्या सदस्यपदी निवड; पाहा नवनिर्वाचित 6 खासदारांची नावे । Rajya Sabha Election 2024
– वडगावमध्ये राष्ट्रवादीची आढावा बैठक; ‘मावळात दीड लाखाच्या मताधिक्याने राष्ट्रवादीचा खासदार निवडून आणू’ – आमदार सुनिल शेळके
– ‘पोक्सो’ कायदा आणि ‘निर्भया’ योजनेबद्दल कान्हे शाळेतील विद्यार्थ्यांना वडगाव मावळ येथील पोलिस अधिकाऱ्यांकडून सखोल मार्गदर्शन
