राज्य शैक्षणिक संशोधन आणि प्रशिक्षण परिषद महाराष्ट्र, पुणे जिल्हा व प्रशिक्षण संस्था तसेच मावळ तालुका पंचायत समिती शिक्षण विभागाच्या यांच्या वतीने तालुका स्तरीय माध्यमिक व उच्च माध्यमिक इयता 9 वी ते 12 वी शिक्षक क्षमता वृध्दी प्रशिक्षण पहिल्या टप्याला सुदुंबरे येथील सिध्दांत कॉलेजमध्ये सुरुवात करण्यात आली. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
राष्ट्रीय शैक्षणिक धोरण 2020 (New National Education Policy) साली लागू झाले असून भारताचा शैक्षणिक धोरणामध्ये आमूलाग्र बदल करण्यात आले आहेत. यामध्ये शालेय शिक्षण, उच्च शिक्षण, भाषा, तंत्रज्ञान, अर्थ विषयक बाबी आणि अंमलबजावणी यामध्ये मूलभूत बदल झाले आहे. शिक्षणाचा आकृतिबंधामध्ये झालेल्या बदलाची माहिती., राष्ट्रीय शैक्षणिक धोरणाची दुरदृष्टी, उदिष्टांची माहिती शिक्षकांना व्हावी याची माहिती मिळावी ह्या हेतूने सदर प्रशिक्षण शिबिर घेण्यात येत आहे. ( Capacity building training session for teachers at Siddhant College Sudumbare Maval )
पहिला टप्पा हा दिनांक 5 ते 7 मार्च असा तीन दिवस सुदुंबरे येथे, दुसरा टप्पा 11 ते 13 मार्च बालविकास तळेगाव येथे होणार आहे. मावळ पंचायत समितीचे गटशिक्षणाधिकारी सुदाम वाळुंज यांंच्या मार्गदर्शनाखाली सिद्धांत इंजिनियरिंग कॉलेजचे उपप्राचार्य डॉ. उत्तम शिंदे, मावळ विषय साधन व्यक्ति सविता पाटील, बिलकीसबानो अंन्सारी, केंद्रप्रमुख गंगाराम केदार, पांडुरंग डेंगळे, पोपटराव चौगुले यांची समिती प्रशिक्षण समन्वयक म्हणून काम पाहत आहे.
तसेच प्रशिक्षणासाठी तज्ञ मार्गदर्शक म्हणून प्रविण कुमार हुलावळे, अनिल सातकर, श्रीहरी पावशरे, कल्याणी जोशी, हनुमंत बोरबाले, अमजद पठाण, विशिष्ट गटकुळ, रेवजी अहिरराव, हसन शिकिलकर, किसन पाटील यांचे मार्गदर्शन लाभत आहे.
अधिक वाचा –
– भाजपाच्या ग्राम परिक्रमा यात्रेचा मावळमधील उर्से गावातून शुभारंभ, काय आहे गाव परिक्रमा यात्रा? जाणून घ्या
– खुपच छान..! मावळ तालुक्यात तब्बल 40 हजार बालकांना पल्स पोलिओ डोस, आरोग्य विभागाचे परफेक्ट नियोजन
– IPS सत्यसाई कार्तिक यांच्या पथकाची देवघर येथील जुगार अड्ड्यावर कारवाई! 1 लाखांचा मुद्देमाल जप्त, 9 जणांविरोधात गुन्हा दाखल
