शिवली भडवली ग्रुप ग्रामपंचायतीच्या सरपंच पदाच्या निवडणूकीत सत्ता बदल झाल्याचे पाहायला मिळाले आहे. सत्ताधारी पॅनलकडे संख्याबळ असतानाही सरपंच पदाच्या निवडणूकीत प्रत्यक्षात माधुरी संदीप आडकर यांनी 9 पैकी 5 मते घेऊन दणदणीत विजय संपादित केला. त्यांच्या विरोधात रतन लोहकरे यांचा धक्कादायक पराभव झाला आहे. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
शिवली भडवली ग्रामपंचायतीच्या मावळत्या सरपंच यांच्या राजीनाम्यामुळे रिक्त पदासाठी निवडणूक घेण्यात आली. यावेळी माधुरी संदीप आडकर आणि रतन लोहकरे यांनी उमेदवारी अर्ज दाखल केले. झालेल्या निवडणूकीत पाठीशी एक सदस्य असताना प्रत्यक्ष निवडणूकीत मात्र सत्ताधारी पॅनलच्या उमेदवाराचा पराभव करत माधुरी आडकर यांनी 9 पैकी 5 मते घेतली. दणदणीत विजय संपादित करून माधुरी आडकर सरपंच बनल्या. मंडल अधिकारी यांनी यावेळी निवडणूक निर्णय अधिकारी म्हणून काम पाहिले. ( Victory of Madhuri Sandeep Adkar as Shivli Bhadvali Group Gram Panchayat Sarpanch Post Maval Taluka )
माधुरी आडकर या शिवली गावचे पोलिस पाटील तथा प्रसिद्ध वकिल संदीप आडकर यांच्या पत्नी आहेत. दोघेही सुशिक्षित युवा असून गावच्या कारभारासाठी पुढे आले आहेत. शिवली ग्रामपंचायतीच्या इतिहासात प्रथमच पोलिस पाटील पद आणि सरपंच पद एकाच घरात आले आहे. ‘निवडणूक झाली आता तो विषय संपला. इथुनपुढे गावच्या विकासासाठी सर्वांना सोबत घेऊन काम करणार. गावातील रखडलेली विकासकामे मार्गी लावणार. नवनव्या योजना राबवून गावचा विकास करणार’ असे नवनिर्वाचित सरपंच माधुरी आडकर यांनी दैनिक मावळला प्रतिक्रिया देताना सांगितले.
अधिक वाचा –
– खुपच छान..! मावळ तालुक्यात तब्बल 40 हजार बालकांना पल्स पोलिओ डोस, आरोग्य विभागाचे परफेक्ट नियोजन
– IPS सत्यसाई कार्तिक यांच्या पथकाची देवघर येथील जुगार अड्ड्यावर कारवाई! 1 लाखांचा मुद्देमाल जप्त, 9 जणांविरोधात गुन्हा दाखल
– मोठी बातमी! मावळ लोकसभेसाठी संजोग वाघेरे हेच ठाकरे गटाचे अधिकृत उमेदवार? उद्धव ठाकरे यांचे जाहीर सभेत वक्तव्य – पाहा व्हिडिओ
