देशातील सार्वत्रिक निवडणूका अर्थात लोकसभा निवडणूका 2024 ची घोषणा केंद्रीय निवडणूक आयोगाने आज (दि. 16 मार्च) केली. दुपारी 3 वाजता निवडणूक आयोगाने पत्रकार परिषद घेऊन संपूर्ण निवडणूक कार्यक्रम जाहीर केला. केंद्रीय निवडणूक आयोगाचे आयुक्त राजीव कुमार म्हणाले की, देशात लोकसभा निवडणूक 543 जागांवर निवडणूक होणार आहे. 7 टप्प्यात ही निवडणूक होणार असून पहिला टप्पा 19 एप्रिल रोजी पार पडणार आहे. तर अंतिम मतमोजणी ही 4 जून रोजी होणार आहे. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
यंदा 18व्या लोकसभेसाठी निवडणूक होत आहे. 2019 साली स्थापन झालेल्या मोदी सरकारचा कार्यकाळ 6 जून रोजी संपुष्टात येणार आहे. त्यामुळे देशात लोकसभेच्या निवडणुका घेण्यात येत आहे. त्यानुसार 19 एप्रिलपासून लोकसभा निवडणुकीच्या मतदानाला सुरुवात होणार असून 2 जून रोजी सात टप्पे संपणार आहेत. महाराष्ट्रातही 5 टप्प्यांत मतदान होणार आहे. ( Election Commission of India Announced Schedule for General Elections to Lok Sabha 2024 )
देशात एकूण 97 कोटी मतदार –
भारतात यंदा 96 कोटी 80 लाख मतदार आहेत. 19 कोटी 74 लाख तरुण मतदार आहेत. या तरुणांच्या मतांचा खूप मोठा वाटा या निवडणुकीत असणार आहे. निवडणूकीसाठी 5 लाख मतदान केंद्र तयार आहेत. तसेच 1.5 कोटी निवडणूक कर्मचारी तैणात आहेत. एकूण 50 लाख ईव्हीएम मशीनद्वारे मतदान पार पडले. आयोगाने आतापर्यंत 400 विधानसभा निवडणूका घेतल्यात. तसेच 16 राष्ट्रपती, उपराष्ट्रपती पदासाठी निवडणूका झाल्या आहेत. गेल्या वर्षभरात 11 विधानसभा निवडणूका झाल्या आहेत, अशीही माहिती कुमार यांनी दिली.
देशात 82 लाख प्राऊड मतदार –
देशात 1.8 कोटी नवमतदार आहेत जे पहिल्यांदा मतदान करणार आहेत. 82 लाख मतदारांचे वय 85 वर्षांपेक्षा जास्त आहे. तर, 2 लाख मतदार असे आहेत ज्यांचे वय 100 वर्षांपेक्षा जास्त आहे. देशात 18 हजार ट्रान्सजेंडर मतदार आहेत. तसेच 85 वर्षापेक्षा जास्त वय असलेले, दिव्यांगमध्ये ज्यांची श्रेणी 40 टक्क्यांपेक्षा जास्त असेल आणि त्यांनी फॉर्म 12 डी च्या माध्यामातून नोंदणी केली तर घरी जाऊन त्यांचे मतदान घेतले जाईल, अशीही माहिती आयुक्त राजीव कुमार यांनी दिली.
Schedule for General Elections to Lok Sabha 2024
Phase 1#GeneralElections2024 #MCC pic.twitter.com/IglWUjkcSK
— Election Commission of India (@ECISVEEP) March 16, 2024
देशात सात टप्प्यात लोकसभेसाठी मतदान होणार
फेज 1 – 19 एप्रिल
फेज 2 – 26 एप्रिल
फेज 3 – 7 मे
फेज 4 – 13 मे
फेज 5 – 20 मे
फेज 6 – 25 मे
फेज 7 – 1 जून
अंतिम मतदान – 4 जून
कोणत्या राज्यात किती टप्प्यांत मतदान?
– अरुणाचल प्रदेश, अंदमान-निकोबार, आंध्र प्रदेश, चंदीगढ, दादरा नगर हवेली, गोवा, गुजरात, हिमाचल प्रदेश, हरियाणा, केरळ, लक्षद्वीप, लडाख, मिझोराम, मेघालय, नागालँड, पुद्दुचेरी, सिक्कीम, तामिळनाडू, पंजाब, तेलंगणा, उत्तराखंड राज्यांत एका टप्प्यात मतदान प्रक्रिया पार पडणार.
– कर्नाटक, राजस्थान, त्रिपुरा, मणिपूर या राज्यांमध्ये दोन टप्प्यांत मतदान प्रक्रिया होईल.
– छत्तीसगड, आसाममध्ये तीन टप्प्यांत मतदान होईल.
– ओडिशा, मध्य प्रदेश, झारखंड या राज्यांमध्ये चार टप्प्यात मतदान होईल.
– महाराष्ट्र, जम्मू आणि काश्मीरमध्ये पाच टप्प्यात मतदान होईल.
– उत्तर प्रदेश, बिहार आणि पश्चिम बंगालमध्ये सात टप्प्यांत मतदान होणार आहे.
General Election to Lok Sabha 2024 – All Phase Map pic.twitter.com/ils9MiK5U3
— Election Commission of India (@ECISVEEP) March 16, 2024
महाराष्ट्रातील मतदानाचे 5 टप्पे आणि मतदारसंघ –
️पहिला टप्पा – 19 एप्रिल – रामटेक, नागपूर, भंडारा-गोंदीया, गडचिरोली-चिमूर, चंद्रपूर️
दुसरा टप्पा – 26 एप्रिल – बुलडाणा, अकोला, अमरावती, वर्धा, यवतमाळ – वाशिम, हिंगोली, नांदेड, परभणी
तिसरा टप्पा – 7 मे – रायगड, बारामती, धाराशीव, लातूर, सोलापूर, माढा, सांगली, सातारा, रत्नागिरी- सिंधुदुर्ग, कोल्हापूर, हातकणंगले️
चौथा टप्पा – 13 मे – नंदूरबार, जळगाव, रावेर, जालना, छत्रपती संभाजीनगर, मावळ, पुणे, शिरुर, अहमदनगर, शिर्डी, बीड
पाचवा टप्पा – 20 मे – धुळे, दिंडोरी, नाशिक, पालघर, भिवंडी, कल्याण, ठाणे, मुंबईतील सहा मतदारसंघ
अधिक वाचा –
– खासदार श्रीरंग बारणे यांच्याकडून मावळ तालुक्यातील अनेक गावांना विकास निधी । Maval MP Shrirang Barne
– लोकसभा निवडणूकीचा कार्यक्रम शनिवारी जाहीर होणार! किती टप्पे? कधी मतदान? कधी मतमोजणी? सर्व प्रश्नांची उत्तरे मिळणार । Lok Sabha Elections 2024
– मुलीच्या पहिल्या वाढदिवसानिमित्त शाळेतील मुलांना वाचनालयासाठी पुस्तकांचे वाटप । Maval News