लोकसभा निवडणूक 2024 च्या ( Lok Sabha Election 2024 ) पार्श्वभूमीवर काँग्रेसकडून (Congress) उमेदवारांची तिसरी यादी जाहीर करण्यात आली आहे. यात महाराष्ट्रातील 7 जागांचा समावेश आहे. काँग्रेसने देशातील एकूण 57 जागांवरील उमेदवार आपल्या तिसऱ्या यादीत जाहीर केलेत. त्यात महाराष्ट्रातील 7 लोकसभा मतदारसंघातील उमेदवारांच्या नावांचा समावेश आहे. नंदूरबार, अमरावती, नांदेड, पुणे, लातूर, सोलापूर आणि कोल्हापूर या 7 जागांवरील उमेदवार काँग्रेसमे घोषित केलेत. कोल्हापूर येथून शाहू महाराज छत्रपती यांना अपेक्षेप्रमाणे उमेदवारी दिली गेली आहे तर, पुण्यातून रविंद्र धंगेकर यांना उमेदवारी दिली आहे. म्हणजेच पुण्यात रवींद्र धंगेकर विरुद्ध मुरलीधर मोहोळ अशी लढत पाहायला मिळेल. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
काँग्रेसचे 7 उमेदवार जाहीर –
काँग्रेसने जाहीर केलेल्या उमेदवारांच्या यादीत, कोल्हापूर लोकसभा मतदारसंघातून श्रीमंत छत्रपती शाहू महाराज यांना उमेदवारी देण्यात आली आहे. पुणे लोकसभेसाठी आमदार रवींद्र धंगेकर यांना उमेदवारी जाहीर करण्यात आली आहे. नंदुरबार येथून गोवळ पडवी यांना उमेदवारी देण्यात आली आहे. अमरावती लोकसभेसाठी बळवंत वानखेडे यांना उमेदवारी देण्यात आली आहे. नांदेडमधून वसंतराव बळवंतराव चव्हाण यांना उमेदवारी देण्यात आली आहे. लातूरमधून शिवाजीराव काळगे यांना उमेदवारी देण्यात आली आहे. तर, सोलापूर येथे अपेक्षेप्रमाणे प्रणिती शिंदे यांना उमेदवारी देण्यात आली आहे. ( Congress Releases Third List of Lok Sabha Poll Candidates Including 7 Constituencies In Maharashtra )
कांग्रेस अध्यक्ष श्री @kharge की अध्यक्षता में आयोजित ‘केंद्रीय चुनाव समिति’ की बैठक में लोकसभा चुनाव, 2024 के लिए 57 लोकसभा सीटों पर कांग्रेस उम्मीदवारों के नाम की तीसरी लिस्ट जारी की गई। pic.twitter.com/7TMkx4faZ4
— Congress (@INCIndia) March 21, 2024
राज्यात एकीकडे भाजपाकडून उमेदवारांच्या नावाची एकामागे एक घोषणा होत आहे. दुसरीकडे मात्र काँग्रेसकडून राज्यातील एकाही उमेदवाराचे नाव जाहीर करण्यात आले नव्हते. आता मात्र पहिल्या सात उमेदवारांची घोषणा झालीये. देशात सध्या लोकसभा निवडणुकीची धामधुम सुरु आहे. देशात एकूण सात टप्प्यात निवडणुका पार पडणार आहेत. दिनांक 19 एप्रिल ते 1 जून पर्यंत सात टप्प्यात लोकसभेसाठी मतदान होईल. महाराष्ट्रात पाच टप्प्यात मतदान होणार आहे. तर अंतिम निकाल4 जून रोजी लागणार आहे.
अधिक वाचा –
– दैनिक मावळ ‘संवाद’ : अडथळ्यांच्या वाटेवरील प्रेरणादायी प्रवास, मराठीतील युवा दिग्दर्शक ‘हृदयमानव’ याच्यासोबत खास बातचीत
– जागतिक चिमणी दिवसाचे औचित्य साधून वडगाव मावळ येथे 150 पक्षीप्रेमींना चिमण्यांच्या कृत्रिम घरट्यांचे वाटप । Vadgaon Maval
– मावळ राष्ट्रवादीचे माजी अध्यक्ष बबनराव भेगडे यांच्या वाढदिवसानिमित्त हरणेश्वर टेकडी येथे वृक्षारोपण । Talegaon Dabhade
