मावळ लोकसभेचे महायुतीचे उमेदवार खासदार श्रीरंग बारणे यांना मोठा धक्का बसला आहे. महायुतीतील प्रमुख घटक पक्षाला खिंडार पडल्याने बारणेंना हा झटका बसला आहे. शिवसेना उद्धव बाळासाहेब ठाकरे पक्षाचे पक्ष प्रमुख उद्धव ठाकरे यांच्या उपस्थितीत भारतीय जनता पार्टीच्या माजी नगरसेविका लीना गरड यांनी हाती शिवबंधन बांधले आहे. ठाकरे यांच्या उपस्थितीत शिवसेना भवनात हा पक्ष प्रवेशाचा सोहळा झाला. यानिमित्ताने महायुतीतील प्रमुख घटकपक्ष असलेल्या भाजपाला पनवेल मध्ये खिंडार पडल्याचे दिसत आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
शिवसेना रायगड जिल्हाप्रमुख शिरीष घरत यांच्या प्रयत्नाने खारघर कॉलनी फोरमच्या अध्यक्षा आणि पनवेल महापालिकेच्या भाजपच्या माजी नगरसेविका लिना गरड, उद्योजक मधु पाटील, मनसेचे महाराष्ट्र राज्य माथाडी कामगार सेना उपाध्यक्ष प्रशांत शिवाजीराव अनगुडे, शिंदे गटाच्या जान्हवी घाडगे, भाजप उत्तरप्रदेश सेलचे गजेंद्र सिंग, विनय दुबे, नवीन पनवेल भाजपचे वार्ड अध्यक्ष तथा पेण तालुका रहिवाशी संघाचे उपाध्यक्ष नरेंद्र किशोर म्हात्रे, समाज सेवक शशिधर माळी, भाजपचे आकाश म्हात्रे, किरण म्हात्रे, विश्वनाथ पाटील, सर्जेराव पाटील यांच्यासह त्यांच्या शेकडो समर्थकांनी, कार्यकर्त्यांनी दादर येथील शिवसेना भवनात शिवसेना उद्धव बाळासाहेब ठाकरे पक्षात जाहीर प्रवेश केला. ( Maval Lok Sabha Mahayuti Candidate Shrirang Barane Get Shocked BJP Officials Join Shiv Sena UBT Party )
यावेळी शिवसेना नेते तथा कोकण संपर्क नेते सुभाष देसाई , शिवसेना उपनेते विजय कदम, मावळ लोकसभा संघटक तथा खासदारकीचे उमेदवार संजोग वाघेरे पाटील, मावळ लोकसभा समन्वयक केसरीनाथ पाटील, शिवसेना जिल्हा संपर्कप्रमुख बबनदादा पाटील, रायगड जिल्हा सल्लागार शिरीष बुटाला, विधानसभा संपर्क प्रमुख वैभव सावंत, विधानसभा समन्वयक प्रदीप ठाकूर, तालुका संपर्कप्रमुख योगेश तांडेल, महानगर समन्वयक दिपक घरत, युवासेना सहसचिव अवचित राऊत, उपमहानगर प्रमुख प्रकाश गायकवाड, शहर प्रमुख खारघर गुरुनाथ पाटील, उपशहर प्रमुख ज्ञानेश्वर भंडारी, ग्रामीण विभागप्रमुख दत्ता फडके, महिला आघाडीच्या उपजिल्हा संघटिका रेवती सकपाळ, विधानसभा संघटिका सुजाता कदम, पनवेल तालुका पत्रकार महासंघाचे अध्यक्ष रत्नाकर पाटील, नवीन पनवेल शिवसेनेचे ज्येष्ठ नेते आनंद पाटील यांच्यासह शिवसेना पदाधिकारी मोठ्या संख्येने उपस्थित होते.
अधिक वाचा –
– ‘मावळ मतदारसंघातील सर्व 25 लाख मतदार हे माझे नातेवाईक’, नात्यागोत्याच्या राजकारणावर श्रीरंग बारणेंचे रोखठोक उत्तर
– ‘समोरच्या उमेदवाराचे किती आव्हान असेल?’ श्रीरंग बारणे म्हणाले, ‘समोर कोण उमेदवार आहे माहिती नाही…’
– देवघर येथे रंगला एकविरा देवीचा भाऊ श्री काळभैरवनाथ महाराजांचा पालखी मिरवणूक सोहळा, हजारो भाविकांची उपस्थिती । Karla Ekvira Devi Yatra
