पुणे आणि पिंपरी-चिंचवड शहरातील वाहतूक कोंडी दूर करण्यासाठी रिंग रोड साकारण्यात येत आहे. सुमारे 136.80 किलोमीटर लांबीच्या या चक्राकार मार्गासाठी देशासह परदेशातील सुमारे 12 कंपन्यांनी निविदा सादर केल्या आहेत. या सर्व कंपन्यांनी सादर केलेल्या निविदांची तांत्रिक छाननीची प्रक्रिया राज्य रस्ते विकास महामंडळाने सुरू केली आहे. ही प्रक्रिया पूर्ण होण्यासाठी आणखी दोन आठवड्यांचा कालावधी लागणार आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
भविष्याच्या दृष्टीने अत्यंत महत्वाचा असणारा हा रिंग रोड पूर्व आणि पश्चिम पट्ट्यात होणार असून त्यासाठी आतापर्यंत सुमारे 70 टक्के जमीन संपादित झाली आहे. प्रकल्पासाठी सुमारे 28 हजार कोटी रुपये खर्च अपेक्षित आहे. पुरंदर, भोर, हवेली, खेड, मावळ तालुक्यामधून हा रिंग रोड जात असून एकूण नऊ पॅकेजमध्ये रिंगरोड साकारण्यात येईल. त्या दृष्टीने रस्ते विकास महामंडळाने निविदा जाहीर केल्या आहेत. देशासह परदेशातील विविध बांधकाम क्षेत्रातील कंपन्यांनी निविदा सादर केल्या आहेत. या कामासाठी यापूर्वीच कंपन्यांची पात्रता निश्चित करण्यात आली होती. 28 कंपन्यांनी अर्ज केले होते. त्यापैकी सुमारे 19 कंपन्या पात्र ठरल्या होत्या. त्यातीलच कंपन्यांनी नऊ पॅकेजससाठी निविदा सादर केल्या आहेत. ( Tenders submitted by 12 companies for Pune Ring Road Scrutiny of tenders started by MSRDC )
नऊ पॅकेजेस कोणती?
पूर्व 1 (11.85 किमी) : उर्से ते इंदोरी (मावळ तालुका)
पूर्व 2 (13.80 किमी) : इंदोरी ते चिंबळी (मावळ, खेड)
पूर्व 3 अ आणि ब (21.20 किमी) : चिंबळी ते सोलू (ता. खेड) आणि सोळू ते लोणीकंद (ता. खेड, मावळ)
पूर्व 4 (24.50 किमी) : लोणीकंद जवळील वालटी (ता. हवेली)
पश्चिम 1 (14.65 किमी) : उर्से ते केमसेवाडी (ता. मावळ- मुळशी)
पश्चिम 2 (20 किमी) : केमसेवाडी ते मोरेवाडी (ता. (मुळशी)
पश्चिम 3 (14 किमी) : मोरेवाडी ते वर्दाडे खेमगाव (मावळ, मुळशी, हवेली)
पश्चिम 4 ( 7.50 किमी) : वर्दाडे खेमगाव मावळ ते कल्याण रहाटवडे (हवेली)
पश्चिम 5 (9.30 किमी) : कल्याण रहाटवडे ते शिवरे कुसेगाव (हवेली, भोर)
रिंग रोडसाठी निविदा सादर केलेल्या कंपन्यांच्या निविदांची तांत्रिक छाननीची प्रक्रिया झाल्यानंतर कंपन्यांच्या निविदांची आर्थिक छाननी केली जाईल. जूनमध्ये आचारसंहिता संपुष्टात आल्यानंतर त्याबाबतचा अंतिम प्रस्ताव राज्य सरकारकडे पाठविला जाईल. त्यानंतर पात्र कंपन्यांना कार्यारंभ आदेश (वर्क ऑर्डर) देण्यात येतील.
अधिक वाचा –
– मुख्यमंत्री शिंदे, उपमुख्यमंत्री अजितदादा यांच्या उपस्थितीत श्रीरंग बारणेंकडून मावळ लोकसभेसाठी उमेदवारी अर्ज दाखल । Maval Lok Sabha
– पावसाळ्यात मुंबई-पुणे रेल्वे सेवा चालणार सुरळीत, मध्य रेल्वेकडून कर्जत-लोणावळा घाटाची पाहणी, मान्सूनपूर्व कामांनी घेतला वेग
– अभिनंदन! सह्याद्री प्रतिष्ठानचे दुर्गसेवक सचिन शेडगे यांना मनोज जरांगे पाटलांच्या हस्ते ‘वीर कोयाजीराव बांदल पुरस्कार’
