Accident On Mumbai-Pune Expressway : मुंबई – पुणे एक्सप्रेस वेवर शुक्रवारी (दि. 28 जून) दुपारच्या सुमारास कंटेनर आणि वॅगनार कार यांचा भीषण अपघात झाला. द्रुतगती मार्गावर किलोमीटर 35.800 येथे मुंबई लेनवर हा अपघात झाला. अपघातात वॅगनार कारमधील दोन जण जागीच ठार झाले असून अन्य जखमी आहेत. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
वाहन क्रमांक NL 01 AB 7208, कंटेनर क्रमांक MH 46 BM 1535 आणि वॅगनार कार क्रमांक MH 43 BE 8562 ही तिनही वाहने मुंबई लेनवरून जात असताना उतारावर कंटेनर आणि कार चालकाचे नियंत्रण सुटल्याने यातील NL 01 AB 7208 याला कंटेनर क्रमांक MH 46 BM 1535 याने पाठीमागून ठोकर मारली, त्यानंतर कंटेनर क्रमांक MH 46 BM 1535 याला वॅगनार कार क्रमांक MH 43 BE 8562 हिने पाठीमागून जोरदार ठोकर मारली आणि भीषण अपघात झाला. ( Strange accident on Mumbai Pune Expressway Two people in Wagner car were killed on the spot )
अपघातात वॅगनार कारमधील 4 व्यक्तींपैकी 2 व्यक्तींना लहान मोठ्या गंभीर स्वरूपाच्या जखमा झाल्याने ते जागीच मयत झाले. मयतांचे शव देवदूत टीमच्या मदतीने बाहेर काढून अँबुलन्सने खोपोली नगरपालिका हॉस्पिटल येथे पाठविण्यात आले. तसेच गंभीर जखमी झालेल्या चालक अमोल खरमाले (रा. नवी मुंबई) आणि संजय नवले (रा. पुणे) यांना पुढील उपचाराकरिता एमजीएम हॉस्पिटल कामोठे येथे पाठविण्यात आले.
आयआरबी पेट्रोलिंग, देवदूत यंत्रणा, डेल्टा फोर्स, महाराष्ट्र सुरक्षा बल, लोकमान्य रुग्णालयाचे ॲम्बुलन्स सेवा या सर्व यंत्रणांनी तातडीने मदतकार्य केले. घटनास्थळी महामार्ग वाहतूक पोलीस बोरघाट आणि खोपोली पोलीस स्टेशनचे अधिकारी आणि कर्मचारी त्याचप्रमाणे अपघातग्रस्तांच्या मदतीसाठी सामाजिक संस्थेच्या सदस्यांनी देखील मदत कार्यात सहभाग घेतला.
अधिक वाचा –
– पुणे जिल्ह्यातील 233 अतिसंवेदनशिल गावे ‘संभाव्य बिबट आपत्ती प्रवण क्षेत्र’ म्हणून घोषित । Pune News
– लोणावळा शहर बाजारपेठेतील वाहतूककोंडीवर कायमचा उपाय ! एकेरी वाहतुकीचा पर्याय फायनल । Lonavala News
– एकविरा देवीचे दर्शन घेऊन माघारी फिरलेल्या भाविकांच्या कारचा भीषण अपघात ! 1 ठार, 5 जखमी । Accident on Mumbai Pune Expressway
