Dainik Maval News : मावळ तालुक्यातील बौद्ध लेण्यांचा विकास साधण्यासाठी एकत्रित आराखडा तयार करण्याच्या दृष्टीने मावळ तालुका बुद्धलेणी विकास परिषद आयोजित करण्यात आली आहे. आरपीआय (आठवले गट) पक्षाचे प्रदेश सचिव व पुणे जिल्हा नियोजन समिती सदस्य सूर्यकांत वाघमारे यांनी ही माहिती दिली आहे.
रविवारी (दि.5) शिलाटणे येथील राधाकृष्ण मंगल कार्यालय येथे ही परिषद होणार आहे. वाघमारे म्हणाले, ‘एकवीरा देवी गड मंदिर विकास आराखड्यासाठी शासनाच्या वतीने पन्नास कोटी रुपये निधीची तरतूद करण्यात आली आहे. कार्ला लेणी परिसरात सुविधा आहेत. मात्र कार्ला बौद्ध लेणी, भाजे व बेडसे लेण्यांचा विकास व्हावा, सुविधा निर्माण व्हाव्यात.’
सदर परिषदेमध्ये लेणी संवर्धक, अभ्यासक, वास्तू विशारद तसेच आंबेडकरी चळवळीतील अनुयायी सहभागी होणार असून लेण्यांचा विकास आराखडा तयार करण्याच्या दृष्टीने सूचना मागविण्यात येणार आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मावळ तालुका पिंपरी-चिंचवड पोलीस आयुक्तालयाशी जोडला जाणार ; वडगाव, कामशेत, लोणावळा ठाण्यांबाबत प्रस्ताव सादर
– मराठी शाळा स्मार्ट व डिजिटल बनविणे काळाची गरज ; परांजपे विद्या मंदिर शाळेला डिजिटल इंटरॅक्टिव्ह स्मार्ट बोर्ड भेट
– तळेगाव दाभाडे शहरातील 350 वर्षे पुरातन बामणडोह विहिरीचे होणार संवर्धन, प्रत्यक्ष कामाला सुरुवात । Talegaon News
