Dainik Maval News : विद्यार्थ्यांना उद्योगसिद्ध बनविण्यासाठी नूतन महाराष्ट्र अभियांत्रिकी महाविद्यालयाने एक मोठे पाऊल उचलले आहे. एल अँड टी लिमिटेड आणि नूतन महाराष्ट्र अभियांत्रिकी यांच्यामध्ये ऐतिहासिक सामंजस्य करार करण्यात आला आहे. यामुळे एल अँड टी लिमिटेडच्या लर्न कनेक्ट प्लॅटफॉर्म द्वारे सुरुवातीला 2000 विद्यार्थ्यांना औद्योगिक आणि उद्योगाभिमुख प्रशिक्षण मिळणार आहे.
याप्रसंगी संस्थेचे अध्यक्ष संजय भेगडे, खजिनदार तसेच अभियांत्रिकीच्या कार्यकारी समितीचे चेअरमन राजेश मस्के, प्राचार्य डॉ. एस. एन. सपली, एल अँड टी कंपनीचे निवृत्त लेफ्टनंट कमांडर अमित चौरसिया, महेश पाटील, अनीरुद्ध सरकार आदी मान्यवर उपस्थित होते.
‘एल अँड टी लिमिटेड सारख्या औद्योगिक समुहासमवेत आपल्या महाविद्यालयाचा आज करार झाला. या करारामार्फत अनेक विद्यार्थ्यांना आपल्या शैक्षणिक आणि व्यावसायिक क्षेत्रात प्रगती करण्यात मदत होईल,’ असे मत म्हस्के यांनी व्यक्त केले.
‘उद्योगाची खरी गरज काय आहे, हे प्रत्येक विद्यार्थ्याला समजले पाहिजे. एल अँड टी लिमिटेडचा लर्न कनेक्ट हा एक डिजिटल पूल आहे, जो विद्यार्थ्यांना थेट औद्योगिक जगतात घेऊन जाणार आहे,’ असे मत प्राचार्य सपली यांनी व्यक्त केले.
या कराराच्या माध्यमातून विद्यार्थ्यांना औद्योगिक प्रकल्पांचे ज्ञान, डिजिटायझेशन, सॉफ्ट स्किल्स आणि तांत्रिक प्राविण्य अशा विविध क्षेत्रात प्रशिक्षण मिळणार आहे. तसेच 150 हून अधिक व्हॅल्यू ऍडेड कोर्सेस करता येणार असून तसे प्रमाणपत्र देखील मिळणार आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– पहलगाम येथील भ्याड दहशतवादी हल्ल्याचा लोणावळा शहरात सर्वपक्षीयांकडून तीव्र निषेध । Lonavala News
– पहलगाम येथील दहशतवादी हल्ल्याच्या निषेधार्थ वडगाव मावळ येथील सर्वपक्षीय मशाल रॅली । Vadgaon Maval
– कामशेतमध्ये सर्वपक्षीय पदाधिकाऱ्यांकडून पहलगाम येथील क्रूर हल्ल्याचा जाहीर निषेध । Kamshet News
