Dainik Maval News : जमिनीच्या जुन्या वादातून दीर आणि जावांनी मिळून एका महिलेस लाकडी दांडक्याने, लाथाबुक्क्यांनी मारहाण करत गंभीर दुखापत केली. ही घटना उर्से (ता. मावळ) येथे गुरुवारी (दि. २२) घडली.
संतोष तुकाराम रसाळ (वय ४०), दोन महिला आरोपी आणि मारूती तुकाराम रसाळ (वय ४५ वर्षे, सर्व रा. उर्से, ता. मावळ, जि. पुणे) अशी गुन्‍हा दाखल झालेल्‍या आरोपींची नावे आहेत.
याबाबत संबंधित महिलेने शुक्रवारी (दि. २३) शिरगाव पोलीस ठाण्‍यात फिर्याद दिली. पोलिसांनी दिलेल्‍या माहितीनुसार, फिर्यादी या वडीलोपार्जित जमिनीत गेल्‍या असता वादावादी होऊन आरोपी संतोष रसाळ आणि त्‍याच्‍या पत्‍नीने लाकडी दांडक्याने फिर्यादीच्या पाठीत, खांद्यावर, हातावर आणि पायावर मारहाण केली.
आरोपी मारूती रसाळ याच्‍या पत्‍नीने फिर्यादीचे केस पकडून तिला खाली पाडले आणि लाथाबुक्क्यांनी मारहाण केली. आरोपी मारूती रसाळ याने देखील हाताने मारहाण करत धमकी दिली. शिरगाव पोलीस याबाबत अधिक तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मोठी बातमी : तळेगाव-चाकण-शिक्रापूर रस्त्याच्या सुधारणा प्रकल्पाबाबत अधिकृत शासन आदेश जारी । Talegaon Chakan Shikrapur Road
– वडीवळे धरण डावा-उजवा कालवा बंदिस्त करणे आणि आढले-डोणे उपसा जलसिंचन योजनेचा डीपीआर तयार करण्याचे निर्देश । Maval News
– मोठी बातमी : मुंबई-पुणे-हैदराबाद बुलेट ट्रेन प्रकल्प भंडारा डोंगराला भेदून जाणार नाही ; रेल्वे मंत्र्यांचे आश्वासन
