Dainik Maval News : मावळ तालुक्याचे महसूली केंद्र असलेल्या वडगाव मावळ शहरातील प्रमुख बाजारपेठ मार्गावर सातत्याने होणाऱ्या वाहतूक कोंडीमुळे नागरिक प्रचंड हैराण झाले आहेत. खासकरून आठवड्याची सुरूवात, आठवडे बाजार आणि सणउत्सव समारंभ असल्यास होणारी प्रचंड वाहतूक कोंडी यामुळे सामान्यांसह व्यापारी हैराण झाले असून यावर प्रशासनाकडून तातडीने उपाययोजना करण्यात यावी, याबाबत मुख्याधिकाऱ्यांना निवेदन देण्यात आले आहे.
नागरिकांच्या सुरक्षिततेसाठी व शहरातील सुरळीत वाहतुकीसाठी प्रशासनाने तातडीने योग्य ती कारवाई करावी अशी मागणी निवेदनाद्वारे मुख्याधिकारी यांच्याकडे करण्यात आली. यावेळी भाजपाचे युवा नेतृत्व ॲड. मृणाल म्हाळसकर, मा उपनगराध्यक्षा पुजाताई वहिले, श्रेयाताई भंडारी, ॲड वैष्णवी भिलारे आदी उपस्थित होते. तसेच, भारतीय जनता पार्टी, वडगाव-कातवी शहर महिला आघाडीच्या अनेक सदस्या उपस्थित होत्या.
वाहतूक कोंडी सोडविण्यासाठी तातडीने उपाययोजना कराव्यात :
वडगाव मावळ शहरात दर गुरुवारी भरत असलेल्या आठवडे बाजारामुळे शहरातील मुख्य बाजारपेठ परिसरात मोठ्या प्रमाणात वाहतूक कोंडी निर्माण होत आहे. या दिवशी नागरिक, महिला, विद्यार्थी, वृद्ध तसेच व्यापारी मोठ्या संख्येने ये-जा करत असल्याने परिस्थिती अधिकच गंभीर बनते. विशेष म्हणजे, चारचाकी वाहनांना मुक्त प्रवेश असल्यामुळे नागरिकांना चालणेही कठीण होत असून वाद-विवाद आणि अपघातांची शक्यता वाढत आहे. ही परिस्थिती सार्वजनिक सुरक्षेच्या दृष्टीने अत्यंत चिंताजनक आहे.
यासाठी
1. आठवडे बाजाराच्या दिवशी (गुरुवार) बाजारपेठ परिसरात चारचाकी वाहनांना प्रवेश बंद करावा
2. योग्य त्या ठिकाणी बॅरिकेट्स लावून वाहतूक नियंत्रण करावे
3. पोलीस बंदोबस्त वाढवून शिस्तबद्ध वाहतूक व्यवस्था लागू करावी
अशी मागणी निवेदनातून करण्यात आली आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– वडगाव मावळ येथे ३९.३३ कोटींच्या पाणीपुरवठा योजनेचा शुभारंभ ; आमदार सुनील शेळके यांच्या पुढाकारातून शहरवासीयांना दिलासा
– लोणावळ्यात एक रूपयासाठी तुफान राडा ! पेट्रोल पंपाच्या कार्यालयाची तोडफोड आणि कर्मचाऱ्यांना मारहाण ; 7 जणांसह अज्ञातांवर गुन्हा दाखल
– शेतकरी मित्रांनो, तुमचे बँक खाते तपासा ! मुख्यमंत्री व दोन्ही उपमुख्यमंत्र्यांच्या हस्ते शेतकरी महासन्मान निधी योजनेच्या आठव्या हप्त्याचे वितरण
