Dainik Maval News : आमदार सुनील शेळके यांच्या माध्यमातून आणि महाराष्ट्र सुवर्णजयंती नगरोत्थान महाभियान अंतर्गत वडगाव नगरपंचायत हद्दीतील केशवनगर मधील प्रभाग क्रमांक १ मधील विविध रस्ते विकासकामांसाठी उपलब्ध निधीतून होणाऱ्या कामांचा भूमिपूजन समारंभ शुक्रवारी (दि. २५) संपन्न झाला.
यामध्ये आप्पा कदम यांच्या घरापासून ते अर्पण ढोरे पोल्ट्री ते बाबर यांच्या निवासस्थानापर्यंत रस्ता रुंदीकरण व डांबरीकरण करणे, प्रभाग क्रमांक १ येथील विकी भोसले यांच्या घरापासून ते सांगवी रस्त्यापर्यंत रस्ता कॉंक्रिटीकरण करणे, प्रभाग क्रमांक १ येथील जगताप यांच्या घरापासून ते सांगवी रोड पर्यंत रस्ता रुंदीकरण व डांबरीकरण करणे, प्रभाग क्रमांक १ येथील मातोश्री बिल्डिंग ते माळी निवासस्थान ते गुरुकृपा बिल्डिंग ते सांगवी रोड पर्यंत रस्ता रुंदीकरण व डांबरीकरण करणे इत्यादी विकास कामांचा भूमिपूजन शुभारंभ संपन्न झाला.
याप्रसंगी नगराध्यक्षा अबोली ढोरे, माजी नगराध्यक्ष मयूर ढोरे, उपनगराध्यक्ष सुनील ढोरे, नगरसेवक पंढरीनाथ ढोरे, नगरसेवक अजय भवार, नगरसेवक अजय म्हाळसकर, नगरसेवक गणेश म्हाळसकर, नगरसेविका पुनम भोसले, नगरसेविका सुनिता ढोरे, नगरसेविका वैशाली सोनवणे, विकी भोसले, गौतम सोनवणे, अनिल गुरव, गणेश ढोरे, अर्पण ढोरे आणि नगरपंचायत अधिकारी, ठेकेदार तसेच स्थानिक महिला भगिनी आणि नागरिक मोठ्या संख्येने उपस्थित होते.
तत्कालीन नगराध्यक्ष मयूर ढोरे यांच्या कार्यकाळात या कामांना मंजुरी मिळाली होती. तद्नंतर आमदार सुनील शेळके यांच्या माध्यमातून या सर्व विकासकामांसाठी सुमारे ६१ लक्ष रुपये इतका भरीव निधी उपलब्ध झाल्याने केशवनगर मधील अनेक रस्त्यांची रुंदीकरणाची कामे मार्गी लागणार आहेत.
या होत असलेल्या विकासकामांसाठी नेमलेल्या संबंधित ठेकेदारांना सदरची विकासकामे दर्जेदार पद्धतीने करण्यासाठी नगराध्यक्षा अबोली ढोरे, स्थानिक नगरसेवक पंढरीनाथ ढोरे, पुनम भोसले यांनी सूचना दिल्या.
येणाऱ्या काळात आमदार साहेबांच्या माध्यमातून वडगाव कातवीच्या सर्वांगीण विकासासाठी अजून भरीव निधी उपलब्ध होणार आहे. आज प्रथमताः ज्या ज्या प्रभागांमध्ये ही विकास कामे होत आहेत, त्या त्या प्रभागांतील सन्माननीय नगरसेवकांनी नव्याने होणारी ही विकासकामे दर्जेदार पद्धतीने करून घेण्यासाठी जातीने लक्ष देऊन पुढाकार घ्यावा अशी सर्वांना नगराध्यक्षांनी विनंती केली.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– प्रस्तावित एमआयडीसीला करुंज, बऊर, ब्राह्मणवाडी येथील स्थानिक शेतकऱ्यांचा विरोध कायम
– लेक लाडकी योजनेअंतर्गत पुणे जिल्ह्यात ९ हजाराहून अधिक मुलींना लाभ
– वडगाव मावळ पोलीस ठाणे परिसरातील बेवारस वाहने मूळ मालकांनी सात दिवसांत घेऊन जाण्याचे आवाहन
– मावळ तालुक्यातील ग्रामपंचायतींच्या रिक्त सदस्य पद आणि सरपंच पदासाठी पोटनिवडणूक
