Dainik Maval News : बेबडओहळ ( ता. मावळ ) जवळ पवना नदीवर असलेल्या जुन्या पुलाच्या इथे पवना नदीत पोहण्यासाठी उतरलेल्या एका २३ वर्षीय तरूणाचा नदीच्या पाण्याच्या प्रवाहाचा अंदाज न आल्याने बुडून मृत्यू झाला. शुक्रवारी ( दि. २४ एप्रिल ) ही घटना घडली.
याप्रकरणी शिरगाव परंदवडी पोलीस ठाण्यात नोंद करण्यात आली आहे. धीरज गजानन गवई असे मृत तरूणाचे नाव असून तो मुळ बुलढाणा येथील रहिवासी होता.
मिळालेल्या माहितीनुसार, सदर ठिकाणी पवना नदीवर असलेल्या जुन्या पुलाजवळ नदीपात्रात उतरून पोहत असताना पाण्याच्या प्रवाहाचा योग्य अंदाज न आल्याने धीरज गवई याचा बुडून मृत्यू झाला. घटनेची माहिती मिळताच वन्यजीव रक्षक मावळ आणि शिवदुर्ग मित्र लोणावळा या संस्थेचे सदस्य आले आणि त्यांनी मृतदेह शोधून पाण्याबाहेर काढला.
निलेश संपतराव गराडे, भास्कर माळी, विनय सावंत, कुंदन भोसले, सर्जेस पाटील आणि अजय हुघे यांनी शोधकार्यात सहभाग घेतला. शिरगाव-परंदवाडी पोलीस ठाण्याचे अधिकारी, स्थानिक यावेळी उपस्थित होते.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– वडगाव नगरपंचायतमधील केशवनगर परिसरातील विविध रस्ते विकासकामांचा भूमिपूजन समारंभ संपन्न
– तळेगाव दाभाडे येथील इंद्रायणी महाविद्यालयात अनोख्या पद्धतीने जागतिक पुस्तक दिवस साजरा
– सभापती बदलताच मावळ तालुका खरेदी विक्री संघ अॅक्शन मोडवर ; थेट सहकार मंत्र्यांची भेट घेऊन केली मोठी मागणी
– लोणावळा शहरात ‘व्हिला’ ‘बंगलो’ बुकींगचा स्कॅम ? पर्यटकांची फसवणूक होत असल्याने प्रशासनाकडून कारवाईची अपेक्षा
