Dainik Maval News : २३ एप्रिल १९९५ रोजी पहिला जागतिक पुस्तक दिन साजरा करण्यात आला. त्या दिवसाची आठवण म्हणून दरवर्षी २३ एप्रिल रोजी जागतिक पुस्तक दिन साजरा केला जातो. या दिवसाला कॉपीराइट दिवस किंवा आंतरराष्ट्रीय पुस्तक दिवस म्हणूनही ओळखले जाते. याच दिनाचे औचित्य साधून तळेगाव दाभाडे येथील इंद्रायणी महाविद्यालयात विद्यार्थ्यांनी आगळ्यावेगळ्या प्रकारे हा पुस्तक दिन साजरा केला.
मराठी विभागाने राष्ट्रीय शैक्षणिक धोरणानुसार विद्यार्थ्यांना अंतर्गत मूल्यमापन परीक्षेचा एक भाग म्हणून पुस्तके परीक्षणासाठी दिली होती. प्रत्येक विद्यार्थ्याने बारकाईने पुस्तक वाचणे आणि वाचलेल्या पुस्तकाचे चिंतन, मनन करून आपल्याला पुस्तकाविषयी जे समजले ते आपल्या शब्दात लिहायचे, असा या अंतर्गत मूल्यमापनाचा हेतू होता.
हे पुस्तक परीक्षण करत असताना विद्यार्थ्यांनी चार्ट जीपीटी, जेमिनी, गुगल किंवा अन्य तस्सम साधनाचा वापर करू नये, अशा सूचनाही प्राध्यापकांनी दिल्या होत्या. महाविद्यालयाचे प्राचार्य डॉ. संभाजी मलघे, मराठी विभागप्रमुख डॉ. विजयकुमार खंदारे, प्रा. डॉ. संदीप कांबळे यांनी विद्यार्थ्यांना मागील पंधरा दिवसांपूर्वी विद्यार्थ्यांना त्यांच्या आवडीचे पुस्तक घ्यायला सांगितले होते.
आपण आपल्या आवडीनुसार निवडलेले पुस्तक पूर्ण वाचून त्यावर आपल्या भाषेत परीक्षण लिहायला लावले होते. तसेच हे लिहिलेले परीक्षण प्रत्येक विद्यार्थ्याने आपले स्वतःचा ब्लॉग अकाउंट तयार करून त्यावर प्रकाशित करायला सांगितले. त्यानुसार जवळपास २५० पेक्षा जास्त विद्यार्थ्यांनी या अभिनव उपक्रमात सहभाग नोंदवला. त्यांनी आपल्या आवडीचे पुस्तक वाचून त्यावर परीक्षण वजा भाष्य करत आपण वाचलेले पुस्तक, त्याचे मुखपृष्ठ, मलपृष्ठ आणि त्या पुस्तकासोबतचा फोटो आज जागतिक पुस्तक दिनानिमित्त ब्लॉगवर प्रसिद्ध केला आहे.
मराठी विभागाने राबविलेल्या या अभिनव उपक्रमाचे कौतुक इंद्रायणी विद्या मंदिर संस्थेचे अध्यक्ष रामदास काकडे, कार्यवाह चंद्रकांत शेटे, खजिनदार निरुपा कानिटकर आणि संस्था पदाधिकाऱ्यांनी केले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– प्रस्तावित एमआयडीसीला करुंज, बऊर, ब्राह्मणवाडी येथील स्थानिक शेतकऱ्यांचा विरोध कायम
– लेक लाडकी योजनेअंतर्गत पुणे जिल्ह्यात ९ हजाराहून अधिक मुलींना लाभ
– वडगाव मावळ पोलीस ठाणे परिसरातील बेवारस वाहने मूळ मालकांनी सात दिवसांत घेऊन जाण्याचे आवाहन
– मावळ तालुक्यातील ग्रामपंचायतींच्या रिक्त सदस्य पद आणि सरपंच पदासाठी पोटनिवडणूक
