Dainik Maval News : वन्यजीव रक्षक मावळ संस्थेचे संस्थापक सदस्य नामवंत वन्यजीव छायाचित्रकार अभय तुळशीराम केवट यांनी भारतात नोंदल्या गेलेल्या सुमारे १,१२७ पक्षी प्रजातींपैकी १,००६ प्रजातींचे यशस्वी छायाचित्रीकरण करण्याचा असामान्य पराक्रम साधला आहे. देशात मोजक्याच आणि महाराष्ट्रात तर त्याहूनही दुर्मिळ छायाचित्रकारांना जमलेली ही कामगिरी.
हा भव्य प्रवास घडला भारतातील सर्वात दुर्गम आणि अवखळ निसर्गरम्य प्रदेशांतील अथक भ्रमंतीतून. ईशान्य भारतातील धुक्याने वेढलेल्या वर्षावनांपासून आणि पश्चिम घाटाच्या हिरव्यागार अरण्यांपासून ते रणरणत्या वाळवंटापर्यंत, बर्फाच्छादित हिमालयीन सीमांपर्यंत, किनारी अभयारण्यांपर्यंत, पूर्व भारतातील दलदलीच्या प्रदेशांपर्यंत आणि अंदमान-निकोबार बेटांच्या नितळ निसर्गापर्यंत.
प्रत्येक छायाचित्र केवळ एक चित्र नाही – ती आहे संयमाची, जिद्दीची आणि निसर्गाशी असलेल्या गहिऱ्या नात्याची साक्ष. या उल्लेखनीय कामगिरीसह अभय केवट यांनी भारतातील सर्वोत्कृष्ट पक्षी छायाचित्रकारांच्या पंक्तीत सन्मानाने स्थान मिळवले आहे.
अभय तुळशीराम केवट हे एक व्यावसायिक छायाचित्रकार असून तळेगावात त्यांचे फोटो फॅक्टरी नावाने स्टुडिओ असून वाईल्ड विंग्ज नावाने त्यांचा प्रवासी सहली अरेंज करण्याचा पण व्यवसाय आहे. केवट यांनी भारतासहित दक्षिण आफ्रिका, केनिया, टांझानिया, भूतान अशा अनेक देशात प्रवास करून तेथील वन्यजीव आणि पक्षी देखील आपल्या कॅमेरात कैद केले आहेत. आता पर्यंत केवट यांना वन्यजीव छायाचित्रणाकरिता अनेक आंतरराष्ट्रीय व रार्ष्ट्रीय पुरस्कार मिळाले आहेत.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– पंचायत समिती शिक्षण विभाग आणि राष्ट्रवादी विद्यार्थी काँग्रेस मावळ तालुका यांच्यावतीने दहावी, बारावीच्या गुणवंत विद्यार्थ्यांचा सन्मान
– पिंपरी-चिंचवडमधील अवैध धंद्यावर कडक कारवाई करा ; खासदार श्रीरंग बारणे यांच्या पोलिसांना सूचना
– भोयरे-सावळा मार्ग बनतोय वेगवान ; सुरक्षिततेसाठी आवश्यक ठिकाणी स्पीड ब्रेकर बसविण्याची मागणी
– जनगणनेच्या कामासाठी जात असताना शिक्षिकेचा रस्ते अपघातात मृत्यू ; मावळमधील हृदयद्रावक घटना
