Dainik Maval News : पवना नदीत पोहोण्यासाठी उतरलेल्या दोघांपैकी एकाचा बुडून मृत्यू झाल्याची दुर्दैवी घटना शनिवारी (दि.३०) मावळमध्ये घडली. परंदवडी पुलाजवळील पवना नदीत पोहण्यासाठी उतरलेल्या दोन जणांपैकी एका २१ वर्षीय तरूणाचा नदीत बुडून मृत्यू झाला. रविवारी (दि.३१) सकाळी त्याचा मृतदेह शोधण्यात वन्यजीव रक्षक मावळ, शिवदुर्ग मित्र लोणावळा यांच्या सदस्यांना यश आले.
अरमान कुमार (वय 21, मुळ राह. झारखंड) असे मयत युवकाचे नाव आहे. तर रमाकांत दरवा (मुळ रा. ओडिसा) यांनी दीपक कुमार (मुळ रा. झारखंड) यास पाण्यातून बाहेर काढल्याने तो बचावला आहे. याप्रकरणी शिरगाव परंदवडी पोलीस ठाण्यात नोंद करण्यात आली आहे.
वन्यजीव रक्षक मावळ संस्था, शिवदुर्ग मित्र लोनावळा या संस्थांचे सदस्य निलेश गराडे, भास्कर माळी, अनिश गराडे, रवी कोळी, केशव शेलगांवकर, भरत मेहंदळे यांनी शोधकार्यात सहभाग घेतला. विरा अॅम्ब्युलन्स आणि साई अॅम्ब्युलन्स यांचेही सहकार्य लाभले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– पंचायत समिती शिक्षण विभाग आणि राष्ट्रवादी विद्यार्थी काँग्रेस मावळ तालुका यांच्यावतीने दहावी, बारावीच्या गुणवंत विद्यार्थ्यांचा सन्मान
– पिंपरी-चिंचवडमधील अवैध धंद्यावर कडक कारवाई करा ; खासदार श्रीरंग बारणे यांच्या पोलिसांना सूचना
– भोयरे-सावळा मार्ग बनतोय वेगवान ; सुरक्षिततेसाठी आवश्यक ठिकाणी स्पीड ब्रेकर बसविण्याची मागणी
– जनगणनेच्या कामासाठी जात असताना शिक्षिकेचा रस्ते अपघातात मृत्यू ; मावळमधील हृदयद्रावक घटना
