Dainik Maval News : शासकीय कर्तव्य बजाविण्यासाठी जनगणना करण्यासाठी जात असताना एका शिक्षिकेचा रस्ते अपघातात मृत्यू झाला. मावळ तालुक्यातील कान्हे फाटा येथे ही हृदयद्रावक घटना घडली. दीपाली सुजित तांबे असे अपघातात मृत्यू पावलेल्या शिक्षेकेचे नाव असून त्यांच्यावर प्रगणक म्हणून जबाबदारी होती.
मिळालेल्या माहितीनुसार, दीपाली सुजित तांबे (वय ५०, मुळ राह. मंचर, ता. खेड) या शासकीय कर्तव्य बजावण्यासाठी कामावर जात असताना कान्हे फाटा येथे भरधाव कंटेनरची त्यांना धडक बसली, यात त्यांचा जागीच मृत्यू झाला.
दीपाली तांबे या मंचर येथील रहिवासी असून व्यवसायाने शिक्षिका होत्या. मावळ तालुक्यातील अहिरवडे येथे जनगणनेचे शासकीय काम त्यांच्याकडे सोपवण्यात आले होते. या कामासाठी त्या निघाल्या असताना, कान्हे फाटा येथे एका भरधाव कंटेनरने त्यांच्या वाहनाला जोरदार धडक दिली.
हा अपघात इतका भीषण होता की, दीपाली तांबे यांचा जागीच मृत्यू झाला. घटनेची माहिती मिळताच स्थानिक पोलिसांनी तातडीने घटनास्थळी धाव घेत तपास सुरू केला असून, एका कर्तव्यदक्ष शिक्षिकेच्या अशा दुर्दैवी अंतामुळे संपूर्ण परिसरात शोककळा पसरली आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– पवना नदीचे पाणी पिण्याअयोग्य, बंदिस्त जलवाहिनीबाबत तोडगा काढा ; खासदार श्रीरंग बारणे यांचे मुख्यमंत्र्यांना साकडे
– आमदार सुनील शेळके यांच्या पुढाकारातून बौर, ब्राह्मणवाडी, करूंज येथील प्रस्तावित एमआयडीसी संदर्भात जिल्हाधिकारी कार्यालयात बैठक संपन्न
– वडगाव मावळ येथे इंद्रायणी भात बियाण्याचे वितरण केंद्र सुरू ; शेतकऱ्यांना मिळणार उच्च दर्जाचे बियाणे
